Veldeke Literatuurpriês 2005

Oetnuuëdiging aan dialektschriêvers

Béste dames en hieëre, De inschriêftermien vör de Veldeke Literatuurpriês 2005 stieët vanaaf noow ope. Deze wedstriêd és bedoeldj um 't schriftelik gebroêk van dialekt te bevordere en aan auteurs de kâns te beje zich te maete met ânger schriêvers in de Limburgse dialekte. Aan de wedstriêd van dit jaor és gein thema verbônge. Ederein kân dus nao eige keus 'n ôngerwerp pakke det kân gaon over speciaal gelegenhede (geboorte, trawwe, stêrve, dageliks laeve, enz.) tot aan kîndjergedichte of -proza tow. Aan 't in te steure wêrk és waal 'n limiet gestéldj. Vör proza liktj de grens op maksimaal 2500 weurd, vör poëzie és 't maksimum 100 regels per gedicht. Zoeë wi-j altiêd és de veurwaarde det 't origineel wêrk mot zeen det neet ieërder és gepubliseerdj. 'ne Bekwaome zjurie kriegtj de wêrke ter beoordaeling. Vör de uuteindelike winnaar/ winnares liktj e bedraag klaor van € 500,- en e kûnstwêrk van Desirée Tonnaer. Anger genomineerdje kriêge 'ne kadobon en 'n oorkonde. De inschriêftermien slutj op 15 september 2005 en de fieëstelike priêsuutreiking zal zeen op 13 november in Wieërt. Vör 't reglemênt of wieter informatie kujje terecht op de Veldeke-website www.veldeke.net of beej ôngerstaondje kontaktpersoeëne. 't Gebroêk van de Veldekespelling heet de veurkeur mer és neet doorslaaggaevendj beej de zjurering. Veldeke hooptj door deze wedstriêd ouch de jonger generaties uut te dage um eur gedachte in e verhaol of gedicht in dialekt op pepeer te zette. Dit és ein van de weinige meugelikhede um 't schriêve in dialekt 'ne kieër krities te laote beoordaele. De organisatie van de Literatuurpriês véltj ônger verantwoording van de Wêrkgroep Veldeke Literair. De kontaktadresse zeen:
  • Veldeke website: www.veldeke.net
  • E-mailadres: harfo@home.nl
  • Postadres: Veldeke Literatuurpriês 2005, Postbus 3527, 6017 ZG Thorn
  • Telefoon: Jan Moonen 0495 - 53 77 90 of Har Bokken 0475 - 56 17 80