Vertèlfestival

Rob Meurders van theater "De Bolhoed" organiseerde vuur de veerde kier e vertèlfestival en noe vuur de ieësjte kier ouch mit verhaole in 't dialect. Op 'n prachtige locatie in 't park in Mestreech vertèlde 'n aantal sjievers verhaole aan kinger van veer pès tieën jaor. Vuur de verhaole in 't plat waore dao: Maria Scheres, Colla Bemelmans, Hans Jacobs, Peter Brouwers, Wim Heijmans en Annie van Gansewinkel. Meh ouch loos bv Beppie Kraft in 't Mestreechs vuur. In 't Hollesj loze o.a. Ome Harrie (Rob Meurders, dae ouch plat kint), Sjoerd Kuiper, Jacques Vriens, Ton van Reen, Dolf Verroen en neum mer op. Tachtig verhaole vuur ummer tösje de 40 en 100 kinger en minstens aeveväöl ouwesj. Ouch theater wie Magisch theatertje, Hupsakee, Ziesjoem enz. Geweldige gebuurtenis: verhaole vertèlle aan kinger; ónger de buim. De tv völt de fantasie van kinger in, verhaole vertèlle reup fantasie op. 'ne Taofel mit beuk van de sjrievers, pósters, vuurlaessjteul, kerpètte op de grónd, alles prima gereigeld. Verhaole vertèlle en vol aandach nao verhaole loestere kint weer, ouch in ós plat.