Media Vita, 'n Reurend gedich

'n Reurend gedich van wijle Cor Deneer in 't Wèssems, euver 't verlange nao rös en vrindschap van 'nne mins dae door 't laeve neet gespaard woort. Euvergebrach in niej Limburgse spelling:

Media Vita

Ich wól noe hiej en dao ens waal èns nao bènne loupe want ich bön meug gesjörgdj langs 's Hieren waeg. Ich wól get vrundsjap en get beer mich koupe en zètte mich en zèkke: 'Drink èns laeg.' Ich wól 't laeve langs mich haer zeen stroume achter d'n raam, de handj aan 't glaas, de veut nao 't veur en den get droume van vreuger, wie 't zomer waas. Get kalle uëver wie de jaore kwome mèt 'ne boekee van altied noew gelök. Ich gluif neet mieë in zon en greun en blome; 't naojaor sjuvertj uëver miene rök. Al briktj noe de aerd weer bleujendj oeëpe, al gruutj de zomer nog zoeë sjtaats en groeët: de sjieëm, dae èns mich hieët bekroeëpe dae hèltj mich kompenie toet in d'n doeëd.

Cor Deneer Oet de bundel: "in weemoed en in wijn" 1977, Uitgeversmaatschappij Dagblad voor Noord-Limburg
(opgegaon in Dagblad De Limburger).

28-02-2005