De aope deure tour is ein uniek projek wo Limburgse loestermeziek waerd gecombineerd mit Limburgse proza van versjillende bekènde Limburgse sjrievers.

Op 21 fibrewari waerd de CD die bie dees produksie heurt gepresenteerd bie ’t programma Plateweg-live van L1. Zónjig 24 fibrewari is den ’t eerste optraeje in Zjwame.

De CD zal neet te koup zin inne winkel, mer is ’t entreebewies veur ein optraeje van de tour. In totaal zin d’r dit jaor teen optraejes op versjillende speciale plaatse, nege in Limburg en ein in Drenthe.

Bie die optraejes waere zesteen liedjes gezónge door Ton Custers en de Aope Deure Band. Léon Hoenen zal tösse de liedjes door ein verhaol vertélle det in estafettevorm gesjreve is door Jan Sjure, Colla Bemelmans, Wim Kuipers, Hans van Bergen, Har Sniekers, Jan Huyskens en Frits Criens. Dit verhaol sjteit in ein beukske det ouch bie ’t entreebewies heurt.

De kraamkamer veur dit projek woor de sjtadssjouwburg van Sittard. Ton Custers en de Aope deure band sjtónge dao mit ’t liedje “euver aope deure” in de finale van ‘t “Mooi Limburgs Muziek Festival”. De commentare van de jury loge d’r neet óm:

Guus Urlings: Ein van de dinge die bie mich noagal bepalend is, is de vroag: zou ich hie meer van wille heure? Bie Ton Custers zègk ich hie op joa, en leefs nog väöl meer.

Leon Verdonschot: Hij is een verhalenverteller. Ik kan niet anders zeggen dan dat ik me verheug op het eerste avondvullende programma.

Dees opmerkinge van de jury wore veur Leo Crombach, Hay Hutjens, Jo Janssen en Ton Custers de aanleiding óm róndj de taofel te gaon zitte en te besjpraeke of ze de gelegenheidsformasie die woor gevormd veur ’t festival, óm zoje zitte in get van langere doer.

De haas dae door de jury waerde toegegooid waerde opgeraap, en ’t aope deure projek waerde gesjtart.

Centraal binne dit projek sjtaon de teen optraejes. Bie die optraejes waerd ein verhaol vertèld. ’t Verhaol euver eine fieftiger, Sef, dae ’t haet gemaak. Sef en zien vrouw Sjaan höbbe twee kinjer. Lang geleje is d’r veur zichzelf begós, en noe haet d’r ein good loupend bedrief. Veur eine boetesjtaonder haet d’r eigilik alles, mer haezelf wèt det d’r alles haet, behalve tied veur zien gezin en zien aaj vrunj. De vrunj van noe zin eigelik allein nag mer klantje en collega zakeluuj. Es d’r zich dit ónger ein zakediner realiseert, nump d’r ’t besjloet óm ‘ns effe toet zichzelf te kómme. Det geit echter neet zónger sjlaag of sjtoot.

Es g’r meer wilt wete euver dit unieke projek, den kent g’r terech op www.aopedeure.nl. Op dees website kènt g’r ouch loestere nao ein compilatie van de CD, en kieke nao ein paar videoclips óm alvas eine indrök te kriege. Via dees website kènt g’r ouch kaertjes besjtèlle veur de optraejes. G’r kènt ouch belle mit T 0475 - 32 12 09.