De kómmissie besjteit oet:

Netty Engels-Geurts,

Toos Schoenmakers-Visschers,

Annie Schreuders-Derks,

Piet Aben,

Yvonne de Vries.

Eder lid haet zien eige deskundigheid.

Annie wit väöl euver volksgebroeke in Limburg; het verzorg regelmaotig laezinge euver dit óngerwerp.

Netty is bekind veur zien kaokbeuk, mit Limburgse gerechte. Ouch het verzörg laezinge en kaokdemonsjtraties.

Toos is sjpecialiste in tekste bie sjarneermomente wie kemunie, duip, trouwe, dood.

Zien gedichte waere dök veurgedrage bie de Veldeke-declamatiewedsjtried veure jeug.

Piet is eine enorm goje muzikant. Hae is bie de kómmissie gevraog veur 't nuuj projek: de lesbreef euver Sintermerte. Piet kint good meziek notere. Det is veur de lesbreef van belang.

Anger activiteite vanne kómmissie zeen de publicaties oppe web-site van Veldeke euver gebroeke inne jaorkrans. Wie bieveurbeeld mit de kèrmis, Palmebessem, Driekeuninge, Alderkienjer, Vastelaovend. Eder lid belich dit óngerwerp vanoet de eige deskundigheid: de volksgebroeke( Annie), de regionale gastronomie (Netty), de tekste (Toos), de leedjes (Piet), de historie (Yvonne).

Ouch wilt de kommissie vraoge beantjwaorde of laezinge verzorge euver sjpeciaal thema's. Via de website van Veldeke Limburg kint geer altied ein beroop op ós doon.

Mer noe is de kommissie drök ane gang mit de lesbreef euver Sintermerte, dae in oktober 2007 nao de sjole waert gesjik.

De kómmissie vergadert in 't Museum van de Vrouw, in Ech. Annie is dao conservator. Zie óntving ós altied enorm gasvrie.

Meer info euver 't Museum van de Vrouw in Ech op: info@museumvandevrouw.nl

telefoon: 0475-550095.