Evenementen
| Augustus 2010 | |||||||
| Wk | Ma | Di | Wo | Do | Vr | Za | Zo |
| 31 | 1 | ||||||
| 32 | 2 | 3 | 4 | 5 | 6 | 7 | 8 |
| 33 | 9 | 10 | 11 | 12 | 13 | 14 | 15 |
| 34 | 16 | 17 | 18 | 19 | 20 | 21 | 22 |
| 35 | 23 | 24 | 25 | 26 | 27 | 28 | 29 |
| 36 | 30 | 31 | |||||
27-08-2010
Waar:
café camping Den Driesch, Heunsberg 1 in Valkeberg.Wanneer:
14:00 - 17:00 uur
ANGER AKTIVITEITE DE KÓMMENDE MAONDE:
* Thei Dorredaag. Vriedig 27 aug. vingk de Thei-Dorredaag plaats in de café van camping Den Driesch. De mieddig weurt georganiseerd door de SVD (“Sjtiechting Vallekebergse Dieksjenaer”) en begint um 14.00 oer.
* Veldeke-dialekmès. De dialekmès ies op 18 sept. 2010 in de Slevrouwekèrk aan ’t Walramplein. De muzikaal umliesting weurt verzörg door dameskoar Belcanto Resonance oet Valkeberg o.l.v. Marian Quadvlieg. Celebrant ies pestoar H. Jansen. Aanvank hauf 7.
* Dialekaovend. Metein nao de dialekmès were de lede oetgenuèdig um de Heunsberg op te wandele veur ’n gezellig treffe (rónd 20 oer) in café “de Zachte Gee” op camping den Driesch (Heunsberg 1). Ónder ’t genot van vla en koffie zal troubadour en entertainer Sjeng Fransse (Jean Keule) oet Hölsberg versjillende optraejes veur uuch verzörge.
* Culturele aovend. Dinsdig 16 november 2010 presentere drie Valkebergse vereiniginge ziech mèt de traditionele culturele aovend in Hotel Monopole aan de Nuje weeg. Aanvank 20.00 oer.
Veur LGOG-Historische krink zal Levien Spitz vertèlle euver ‘t 125-jaorig besjtoon van VVV en toerisme.
Bie ’t IVN zal Jef Boosten aan ’t woord kómme.
Veldeke presenteert ziech mèt ex-sjtreektaalfunctionaris Pierre Bakkes dae ’n intersante lezing zal houte euver typische sjpreekweurd en oetdrökkinge in ’t Limburgs.
* Dialekcursus. In ’t naojaor zal d’r ‘ne cursus Valkebergs, leze en sjrieve van sjtart goon.
Doel ies dat cursiste op ’t ing van de cursus inziech höbbe gekrege van de eigenheid van ’t dialek, mèt ziene eige grammatica, klanklièr en literatuur. Neet allein luuj oet Valkeberg zelf meh ouch die oet de krink Valkeberg (Sub, Vilt, Berg, Sjin, Houtem, Brokem, Geulem, Hölsberg enz.) kènne dao-aan mètdoon.
De cursis kènt daonao ouch de in zien eige dialek veurkómmende klanke adequaat en correct in de gesjreve taal, volges de Veldekesjpelling 2003, toepasse.
De cursiste kriege 'n diploma van Veldeke-Limburg.
De 4 (mesjiens 5) cursusaovende (goonsdigaovende) valle op 27 oktober; 3, 10 en 17 november 2010 van 19.30 tot 21.45 oer.
Plaats: Bovezaelke van de Ruyterbar aan 't Theodoor Dorrenplein in Valkeberg.
Opgeve (en info) bie de docent van de cursus: Els Lahey-Diederen, tel: 043-6041018
Els Lahey-Diederen,
sikkertarés