Bookbesjpraeking: 't Dictionairke van 't Mestreechs van Flor Aarts

In juli presenteerde prof. dr. Flor Aarts zien book Dictionairke vaan 't Mestreechs.

Het book is ein prachtig verzorgde oetgaaf gewaore mit dao-in wäörd, oetdrökkinge en gezèkdes oet 't Mesjtreechs. De beteikenis vanne wäörd waere, nao de waordverklaoring, dudelik gemaak mit veurbeeldzinnen in 't Mesjtreechs. Hae vermelt allein mer trefwäörd die in 't Nederlands neet besjtaon (wie 'sjevraoj') of in die taal waal besjtaon mer 'n ganse anger beteikenis höbbe (wie 'flap'). Daomit haet dit book alle besjtaonsrech naeve 't nuuj waordebook det veurig jaor versjene is.

Flor Aarts wól eine gemekkelik laesbare dictionair maken, mit neet te väöl grammatikaal informatie. Dao is de sjriever prima in gesjlaag. 't Dictionairke leus se wie 'nen trein, veural door de grappige veurbeeldzinkes, die 't geheel ech verlaevendige.

't Book is bedoeld veur Mesjtreechtenere die Mesjtreechs plat kalle en zich veur hun taol intressere, mer ouch veur 'Hollenders' die van Mesjtreech haje.

't Book is te besjtèlle bie: Stichting Onderweg, Posthoornstraat 69, 6219 NV Maastricht, via fax 043-3612368, e-mail: bestelling@onderweg.info of www.onderweg.info. D'r pries is € 23,-.

Yvonne de Vries
Remunj 25-10-2005

Van d'rzelfde auteur: Mestreechs, eus moojertaol