Eine kieër minder

Alles waat des se duis,
Duis se eine kieër minder.

Alles waat des se zèks,
Zèk se eine kieër minder.

Alles waat des se zujs,
Zujs se eine kieër minder.

Alles waat des se druims,
Druim se eine kieër minder.

Mer alles waat des se dènks,
Höb se eine kieër mieër gedach.

Mèt alles waat des se lachs,
Höb se eine kieër mieër gelache.

Ederein dae se gojendaag zèks,
Höb se eine kieër mieër gojendaag gezag.

En edere kieër des se get guufs,
Höb se eine kieër mieër gegieëve.

Daoróm, doot alles waat des se gaer duis,
zoeväöl meugelik.

Dènk aan alles woe des se gaer aan dènks,
Zoe väöl meugelik.

Kiek nao alles woe des se gaer nao kiks,
Zoeväöl meugelik.

En doot alles waat des se gaer duis,
Zoeväöl meugelik.

Want eder dènk des se duis,
Höb se eine kieër mieër gedoeën.

Eder woeërd des se zèks,
is ei woeërd mieër gezag.

Eder dènk des se zujs,
Is een dènk des se mieër höbs gezieën.

En edere druim dae se druims,
is eine druim mieër gedruimd.

Edere kieër des se uuëver get dènks,
Is eine kieër minder des se höbs gedach.

Edere kieër des se lachs,
is eine kieër minder gelache.

Edere gojendaag dae se zèks,
Is eine minder gezag.

En eder dènk des se guufs,
Is ei dènk minder des se nog kèns gieëve.

Stèl niks mieër ouwt tot mörge,
Want den kènt 't te laat zeen.

Zèk waat des se te zègke höbs,
Want môrge kènt 't mishji-jns neet mieër.

Laef di-j lieëve op vandaag,
Want anders kènt 't gedoeën zeen.

Doot di-jn eige dènk,
En kiek neet nao waat de angere doon.

Want vuur des se 't wèts
duis se nimmer waat des se wils.

Zits se örges vas,
Of wèts se zelfs nörges mieër van.

Laef dien eige lieëve,
En geluif in waat des se duis.

Het lieëve deurt mer effe,
Alles waat neet mót…laot 't.


Wouter Wetzels, Maaseik.
Jóngste lid van de schrièverskrink Midde-Limburg.

Gedichte van Wouter Wetzels, Maaseik:

Ein
Eine kieër minder
Weg
Vuur miech

23-06-2006