Gedicht Wally Thissen
ÈNGELE
Wae väör zien eige däör blif kaere
kan nao zienen doad ‘nen èngel waere
mit ‘ne blik nao baove vreug se dan
wóróm men èngele neet zeen kan
Pas es de wolke sjlaope gaon
kan men ze op hun ster zeen staon
ze höbbe angs, rope op hun kneen
‘miene leve God, ich wil geine èngel zeen’
Achter de zón, deep in de nach
wuut van ós aaf zeen ze gebrach
ze krunkele zich óm hun sterre vas
en zeen zichzelf allein tot las
Väör mich is ’t noe gans zeker
ich wil neet drènke oet zóane beker
en blief väör anger däöre kaere
God, ich wil geinen engel waere
Wally Thissen, Beeg
december 2010
Het laatste nieuws