Greujende belangstèlling väör laeze en sjrieve!
De belangstèlling bie de minse óm ’t eige dialect good te kènne sjrieve en de versjillende dialecte ouch te kènne laeze, is in elk geval dit jaor toegenome. Mit 18 deilnummers is de cursus “Laeze en sjrieve in ’t dialect” ,dae Veldeke Krink Ech haef aangebaoje, kort geleje begós.
Het aantal deilnummers woor de lèste jaore neet mieë baove de tieën gekómme. De vraog koom op of ’t neet baeter zoe zeen deze cursus óm de twieë jaor aan te beje.
Lichte verbazing en groate tevrejenheid den ouch bie Ton Janssen, väörzitter van de Krink Echt van Veldeke en bie de cursusleider Piet Aben. Bliekbaar is d’r toch nog (of weer) behoefte aan en wille minse in ‘ne korte cursus get vaardigheid kriege in ’t laeze van dialect. En väör ’t sjrieve de spellingsregels lieëre en oefene in ’t toepasse d’rvan.
Veldeke Krink Ech wènsj de deilnummers väöl succes hie bie en plezeer in de cursus. Cursiste die de cursus mit good gevolg aafsloete, kriege nao aafloup ’n certificaat.