Kinger-kersversjke

Ein grote sjter
hoog inne lóch
sjeen op 't sjtelke
zo lang gezóch.

De os enne aezel
heel doon biejein
wermde ein kiendsje
heel koud nag en klein.

Maria en Jozef
weegde de baby in sjlaop,
door ein sjpleetsje vanne deur
keek al 't eerste sjaop.

Dao kwame de herders
ein ganse riej
ze sjpilde op häör fluite
dees melodie:

sjlaop, kiendsje sjlaop,
wit en werm is mien sjaop,
sjlaop mer lekker en zach
de ganse, ganse nach.

Van vrede op aarde
zónge ingele blie,
van vrede euveral
en vrede ouch hie.