Mien Kingerjaore
Mèt bervese veut
de trap op nao boeave
In de duustere
veule nao de klink
van 't zölderkaemerke
Mien bèd.
Drie dikke dieëkes
wachte op mich
en de opgewermdje stein
in ein gezèt
Ieskristalle
kösse mich wakker
en witte wolke
wejje veur mich oet
Es ich opstaon
krats ich miene naam
in de zilvere vinsterroet
Ónger is de staof al aan
Har Sniekers Toear
11-01-2007
Het laatste nieuws