Väördrachte-aovendj (18 mei 2011)
Ouch dit jaor weer ‘ne väördrachtsaovendj op oos programma. Zoa es gebroekelik haoje w’r dae in ’t Zorgcentrum “de Egthe”. Zoa waal väör oos leje es väör de bewoners is det eder jaor ‘ne hieël plezerige aovendj.
’t Programma bestuitj weer oet ‘ne mix van väördrachte en meziek.
Waat kóntj g’r verwachte?
Allerieës de kènjer die de declamatiewedstried gewónne höbbe. Vervolges ènkel “meisterstökke” van aafgestudeerdje van de cursus: “Laeze en Sjrieve in ’t Limburgs.”
’t Gehieël weurtj muzikaal omliesj:
’t Gemèngdj Koar oet Brachterbaek en d’n hieër van Helden, zelf in ’t zorgcentrum, speeltj op ziene trèkzak. G’r witj det det ‘ne accordeon is?
Lètj op: w’r beginne hie eerder es gebroekelik, namelik óm 19.00 oer. Taege 21.30 oer is ’t aafgeloupe.
Dus: 18 mei 2011 óm 19.00 oer in Zorgcentrum de Egthe.