Winnaers VELDEKE's Limburgse declamatiefinale in de KINJERKRAOM JUBILEUM TOUR

De KINJERKRAOM besteit 10 jaor!

Det viert 't succesvolle kinderprogramma van L1 met 'ne groeëte Jubileumtour door oos previncie.

Op 3 juni bezuk de KINJERKRAOM JUBILEUM TOUR de stad KIRCHRAO en is dao te zeen in 't INDUSTRION in 't kader van de dao loupende interaktieve tentoeënstelling:
GAMES, LET 'S PLAY.
( www.industrion.nl )

't Kinjerkraom-programma begint um 13.30 oor en deurt wies 15.15 oor. In dit programma treujt op de winnaer van de VELDEKE Limburgse declamatiefinale veur de groepe 5 en 6 (van 't basisónderwies): GUIDO PLUIM oet Gelaen.

Hae dreug 't door zien moder geschreve geistige gedich 'Miene allerbèste vrundj' veur waomei hae de finale glansriek wón.

Gank kieke, 't is de meujte mier as waerd!

Op 16 juni is de KINJERKRAOM JUBILEUM TOUR alwir in KIRCHRAO in 't kader van 't FEES VAN D'R JOEP.
't Programma löp dan van 11.30 - 13.00 oor.

Ouk dan treujt 'n winnaer van VELDEKE Limburgse declamatiefinale op en waal de winnaer van de finale veur de groep 7 en 8 TEUN LOETE oet De Boesj (Koningsbosch)
dae 't winnende gedich 'De vogelversjrikker' zal veurdrage.

Gank kieke wie good Teun 't kint bringe.

Vaerdere informatie: www.kinjerkraom.nl - http://www.kinjerkraom.nl/> , ouk veur de oetzendtieje.

Lé Giesen (Venloos)