Drie nuuj beukskes-lesbreeve van Volkscultuur
De Kemissie Volkscultuur haet met hulp van angere, driej nuuj beukskes-lesbreeve oetgegaeve: euver de kermis, 't Sintermertenfeest en euver 't sjrieve van Vasteloavendjleedjes. De beukskes zeen te kriege bij 't Hoes veure Kunste Limburg in Remunj.
't Beukske euver 't sjrieve van Vastelaovendjleedjes is oetgebrach in samenwirking mit KingerVastelaovendjLeedjesfestival KVL en 't Hoes veure Kunste. De teks enne mezeek in dit beukske zeen van Nol Wassen en Theo Peeters. In ‘t beukske sjtaon gooi tips euver leedjes sjrieve mit kinjer veur klassikale, muzikale activiteite. Ouch zeen dees tips te gebroeke veur musicals en bv. sjoolverlatersdage. D’r zit ein c.d. mit versjillende achtergrondjmezeekskes bie.
De lesbreef van de kommissie Volkscultuur euver Sintermerten guf allerlei informatie euver de historie, volksgebroeke en praktische tips. Zoals: wie maakse ein lampion van ein kraot? En wie bakse Sintermertenkeukskes?
De lesbreef euver de Kermis, bevat ouch weer historie, volksgebroeke en ein ech kermisresept.
Sintermerten is oetgegaeve same mit de krink Ech, Kermis is oetgegaeve same mit de krink Zitterd.
De lesbreeve zeen gesjreve in ’t dialek vanne organiserende krink.
Wae de beukskes-lesbreeve wil besjtelle, kint kontakt opnumme mit Ria Corstjens biej 't Hoes veure Kunste Limburg, Kapellerlaan 36, Postbus 203, 6040 AE Roermond, Tel. 0475-399262, fax 0475-399298, of e-mail rcorstjens@hklimburg.nl
Het laatste nieuws