Es ich mot besjrieve wo ich woon,

dan kin ich det maar op ein maneer doon.
Os sjtraot haet allemaol sjune dake,
Want nemus moog dao get aan vermaken.

Dit guft de buurt porem,
Maar esse biej os de sjtraot om riets woont dao sjorem.
Maar achter dit asociale sjtökske,
ligt ein heel sjoon brögske.

Esse op dees brögk geis sjtaon
Het maakt neet oet euverdaag of bie volle maon
Dan kin se maar ein dink doon,
en det is sjteeds weer zigke, waat wone v'r hiej toch sjoon.
Dus eigelik höb ich väöl gelök,
Want ich woon 'Aan de Rooj Brögk'.

Laura Leenders
Klas 5H3

De Moferte haof

Ich zoot in de haof te kieke nao de haan en de hinne.
De aomezeike kraope door 't graas
De vlinders fladderde door de lóch
De mösse sjilpte in de hèk.
Ich dach wat is eine Moferter haof toch sjoon,
En ging nao binne.

Joep Suskens
Klas 1b7

't winnende gedich

Ontbijtcrisis

Zit ich sjmörges aan 't ontbijt
Sjteit d'r vanalles oppe taofel
Gein idee wo ich zin in höb
Lever pasta of toch kiees?

Waarsjienlik 'n kwarteer
Sjtaar ich veur mich oet
Bienao gekaoze veur de hagelsjlaag
Zeen ich det mien trummelke al klaorsjteit
En sjtiekem haop ich toch
Det d'r vandaag weer pindakiees op zit

Inge Mestrom

Klas 4V1

De laegte…

Wie erg kinse emes misse
Wie groot is dan 't leid.
Ut leut dich in t ongewisse
Toet det 't weer get baeter geit.

Unne laege sjtool duit dich dinke
Aan de gesjprekskes van al die daag.
Bie 't weggaon nog effe winke
Dan greep zonne daag mich weer inne kraag

En keek ich oet nao weer eine lach
Mer dae haop ging verlaore
In ein sjtormachtige nach.
Oetgeblaoze…
Eindelik rös

Oze leve heer haet gekaoze.

Bart Dohmen
Klas 3H3

Dao is mien blaedje al

Vertaal dees tekst met behulp van de aanteikeninge in korrek Nederlands
De aanteikeninge, die zulle mich redde
Net as 't waordebook naeve mich
Veural die riekes op 't lets
Ich sjnap bes wat dit zoon bietje mot waere,
Maar waorom duit dae miens zo moeilik?
Sjreef d'r maar geweun zo wie d'r 't bedoelt
Die sjtielfigure make 't d'r auch neet mekkeliker op
Lekker logies, dit heurt biej ein, maar d'r sjtaon nog drie regels tusse

Tied om, teks aaf
V'r zulle zeen waat 't waertj

Audrey Theunissen
Klas 5V2

Vakansie

Vakansie sjoon in eige landj,
Zeiknaat geraegend of rood verbrandj,
Mit koppien nao de dokter haer,
't campinglaeve höb ich zo gaer,

ein wc veur hóngerd man,
ich haaj mer op krieg boekpien d'r van,
eine werme brie, gein papier óm mich haer,
't campinglaeve höb ich zo gaer,

beer neet kaat, vleis neet fris,
mit barbequewe geit get mis,
mit ein brandwonj trök nao de dokter haer
't campinglaeve höb ich zo gaer,

Haor in de douche dit is ech neet lekker,
Gelökkig hink dao eine trekker,
Ich vaeg mer alles nao 't pötje haer,
't campinlaeve höb ich gaer,

drie waeke óm, de tent naat ingepak,
ein jaor later sjtink 't onnoemlik in dae zak,
waat doon veer dit jaor?
Waat vinje veer leuk, waat doon veer gaer?

Toch mer weer nao de camping haer?

Linda Quicken
Klas 2v1