Veldeke Limburg

(Mestreechs)

Welkom op de website vaan Veldeke Limburg! Dialekvereineging Veldeke heet ziech es doel gestèld ’t spreke, leze en sjrieve vaan de Limburgse taol te bevordere. Op dees website tref geer informatie aon in de versjèllende dialekte die Limburg riek is.

Umtot veer taol zien es e middel um lui mèt ein te verbinde, beeje veer die informatie ouch in ’t Nederlands aon. Zoe kin ouch ederein dee de Limburgse taol neet mechteg is, toch begriepe boe Veldeke mèt bezeg is.

Door te klikke op de vlegskes rechs boven aon de pagina’s kint geer keze tösse

  • l-vlag  Limburgs dialek, boebij de tekste aofwisselend in ein vaan de versjèllende Limburgse dialekte te leze zien.
  • nl-vlag  Standaard Nederlands, veur wee ’t dialek leze te meujelek of te vermeujend vint.

Geer kint ummertouw tössetijds euversjakele vaan Limburgs nao Nederlands en umgedrejd en komp daan altied op dezelfde pagina terech dee geer aon ’t leze waort.

Zoe hoof geer noets bevreis te zien tot uuch get oontgeit umtot geer touwvalleg get minder good thoes zeet in ’t Kerkraojs, ’t Mestreechs, ’t Vinloos of ’t Remunds.