Veurróndes Deklamatiewedstried 2017

In vuuel plaatse vinde noow de veurróndes plaats veur de Deklamatiewedstried van Veldeke Limburg veur de schoeëljónge.

Op 20 en 21 maart zien de veurróndes veur Venlo in de Venlonazaal, Hoeëgewaeg 10-16 in Venlo. De plaatselike finale van Venlo is ouch in de Venlonazaal en waal op vriedaag 31 maart 2017 um 19.00 oor.

De plaatselike finale Tegele is in ‘t Zaelke op vriedaag 14 april 2017 um 19.30 oor. De veurróndes in Tegele waer op schoeël gehalde.

De regio-finales veur Zöstere en Ech zeen dit jaor op vriedig 7 april a.s. óm 19.00 oer in de Pejjerhaof in Pey-Ech en zaoterdig 22 april óm 14.00 oer in de Hermeniezaal in Zöstere. Väör informatie äöver de wedstried bel mit Piet Aben 0475 482146. Det weurtj dit jaor de 10e kieër det ’n finale is in Zöstere, väör de sjoale in Zöstere, de Nuujstadt en Roostere (en ’n aantal jaor ouch nog Deetere). In groat-Echt is ’t al de 16e kieër.

Op zaoterdaag 20 mei 2017 is de Limburgse finale. Ouk dit jaor zal det waer plaatsvinde in de sjieke zaal van DOK-6 in Kepèl (Panninge).  Zoeëwaal de deilnemerkes, elders, opa’s en oma’s en andere toeschouwers kinne waer genete van gedichjes in verschillende Limburgse dialekte.