Henk Hover redacteur vaan Platbook euver meziek

In ‘t veurjaor vaan 2017 versjijnt de 17e editie vaan Platbook, ‘ne boondel mèt wèrk vaan Limburgse dialeksjrijvers. Dees kier is ‘t thema ‘Meziek’. Redacteur vaan dees oetgaof is Henk Hover, programmeker bij L1 Radio en TV op ‘t gebeed vaan met naome (dialek)meziek én zelf actief es muzikant, componis en leedsjesjrijver. Hover zal ‘n selectie make oet ‘t ingesjikde wèrk en de inleiing samestèlle. Limburgse sjrijvers kinne tot 1 miert 2017 eige wèrk insjikke veur Platbook 17. Dat kinne beveurbeeld verhaole, gediechte, columns, leedtekste en cabberèttekste zien; alle genres zien touwgestande, es ‘t thema mer ‘Meziek’ is en de bijdrage neet mie en 600 wäörd bevat. Tekste kinne weurde aongelieverd bij Oetgeverij TIC, d’n oetgever vaan Platbook, via paul@uitgeverijtic.nl. Srjijvers vaan wee wèrk weurt geselecteerd oontvaange ‘n oetnudeging veur de bookprizzentatie en e gratis exemplaar vaan Platbook 17.

‘t Compleet peersberiech vint geer op de website vaan ‘t Huis voor de Kunsten Limburg.