Platbook 17 euver meziek oonder redactie vaan Henk Hover
Platbook 17 is ‘ne boondel mèt korte verhaole en gediechte vaan Limburgse dialeksjrijvers mèt es thema “Meziek”. Platbookis ‘n reeks blomlezinge oetgegeve in opdrach vaan ‘t Huis voor de Kunsten Limburg in samewèrking mèt Veldeke Limburg, de Raod veur ‘t Limburgs, de Stichting Lilili, oetgeverij TIC en Wim Kuipers. Auteurs oet de ganse provincie wèrke mèt um ederskier ‘n ander thema te besjrieve in hun eige verhaole, gediechte en andersoortege tekste. Veur eder oetgaof eweurt ‘nen andere redacteur gezuek, dee pas bij ‘t thema. Kiek veur mie informatie op www.hklimburg.nl/platbook.
Henk Hover (Hinge-Ech, 1966) wèrk sinds 1998 es programmeker bij L1 Radio en TV. Op dit m,omint prizzenteert heer ederen daag ‘t dialekprogram Plat-eweg op L1 Radio, de Limbo Top-10 enj wijer bekans alle L1-programs die op de ein of ander meneer mèt Limburgse meziek te make höbbe. Hover späölt zelf ouch gitaar en maak al ruim ‘n kwaart ieuw deil oet vaan de zaankgróp Averechs. Daoneve is heer verantwoordelek veur de meziek en leedtekste vaan de Echter Revue. Ouch maakde heer es componis of tekssjrijver ‘n aontal bekinde vastelaovends schlagers.
Redacteur Henk Hover (L1-programmeker en muzikant) selecteerde 35 tekste oet in totaal ruim tachteg inzendinge oet de ganse provincie. Oonder hun zien srijvers die zelf al eine of mie romans of diechboondels höbbe oetgebrach, meh ouch e paar nuikoumers. ‘t Thema ‘Meziek’ löp wie ‘ne roejen draod door de vetrsjèllende korte verhaole en gediechte in Platbook 17. “De emotioneel wierde die meziek dèks opreup, is bekans neet in wäörd te vatte. De sjrijvers in dit pracxhteg book höbbe dat desoondaanks geperbeerd. En ‘t is ze ouch nog dèks erg good gelök. Ze koume dao dèks kort bij, bij de emotie vaan meziek”, zoe zeet Henk Hover.
Platbook 17 bevat werk vaan Matheu Bemelmans, Ton Bijsterveld, Herman Bors, Lizette Colaris, Leonne Cramers, Ien vaan Dale, Jean Dewaide, Els Diederen, Tilde Frauenrath, Frans Hendriks, John Hertogh, Karin Hoevels-Dolmans, Jack Jacobs, Joep Kirchroa, Guus Kitzen, Lisa Naus, Piet Nieuwenhuizen, Sjir Quaedflieg, G. Rapaille, Karel Ruiten, Phil Schaeken, Toos Schoenmakers, Annie Schreuders-Derks, Riky Simons-Julicher, Har Sniekers, Felix Stelten, Corrie Stultiens, Annie Tummers, Diana Vullings-Smeets, Mia van Wegberg, Loek van de Weijer, Harie Wetzelaer, Tjeu Wetzeler, Ton in ’t Zandt en Els Zeegers-Koelen.
‘t Nuiste Platbook weurt op zaoterdag 6 mei vaanaof 10.30 oor in de studio’s vaan L1 in Mestreech geprizzenteerd. De prizzentatie weurt op 6 mei live oetgesjik in ‘t L1-Cultuurcafé op L1 Radio vaan 11.30 tot 12.00 oor. Platbook 17 is veur € 9,90 te koup in versjeie Limburgse bookwinkels, evenes via www.ticshop.nl en www.hklimburg.nl/webshop.