Euver Veldeke

Provinciaole koepel

(Mestreechs)

Veldeke Limburg is de provinciaole koepel vaan 10 lokaal kring die euver de ganse provincie verspreid zien. Eder vaan die kring deit ziech meujte um binne zien eige stad of regio ’t plaotselek dialek op de kaart te zètte. Dat doen ze door alderhand activiteite te oontploeje, wie dialek-cursussen, veurstèllinge mèt cabberèt of revue, excursies of wandelinge, dialek-aovende mèt sprekers en artieste, ’t oetgeve vaan beuk in ’t dialek, en zoe wijer. Eder vaan die kring heet ouch ‘nen eige website dee geer kint bezeuke veur mie informatie euver wat zich in eur buurt op dialekgebeed aofspäolt.

10 Lokaal Veldeke-kring

Veldeke Limburg faciliteert de lokaal kring door oondersteuning te geve op ’t gebeed van taol, communicatie en financië. Dat doen veer oondermie door ’t oetgeve vaan ‘nen nuitsbreef, dee minstens 4 kier per jaor versjijnt, door ’t publicere vaan ’t Jaorbook, boe-in de nuiste oontwikkelinge mèt betrèkking tot eus dialekte weurde bijgehawwe. Veldeke Limbörg prizzenteert ziech ouch door via gezèt, radio en tèllevisie aondach te vraoge veur de Limbörgse taol en veer vertegenwoordege eus kring bij de polletiek vaan provincie en gemeintes es ’t drum geit ’t belaank vaan de dialekte te behartege.

Mie informatie

Lid weure

Es geer lid weurt vaan Veldeke krijg geer alle informatie touwgesjik, zoewel vaan Veldeke Limburg es vaan de lokale krink vaan eur woenplaots. Ouch kint geer beuk en ander publicaties vaan Veldeke mèt korting koupe in euze webwinkel. Euver de activiteite die door de lokale krink in eur woenplaots weurde oondernome (wie cursusse en bijeinkomste) weurt geer geïnformeerd door de krink zelf. Ouch beeje de kring uuch genóg meugelekhede um zelf actief te zien bij ’t bevordere vaan de Limburgse taol (allein es geer dat zelf wèlt netuurlek). De basiskoste veur ‘t lidmaotsjap bedrage € 20,- per jaor. Sommege kring hantere ‘nen opslaag vaan op z’n huugs € 10,- (kiek veur ‘n euverziech vaan de lokaal opsleeg) . Klik hei veur ‘n insjriefformeleer of nump veur mie informatie kontak op mèt Veldeke Limburg.

Nao webwinkel

Insjrieve Veldeke