Letterbak Trök
Diek teen jaor, van Sinterklaos 1986 wies de heite zomer van 1997, sjreef ich veur (Dagblad) De Limburger de taalcolumn Letterbak. Neuge van de teen kier zoot dae bak vól Limburgse wäörd. De miense vónje det sjoen, en noe nag waert mich vraogend gezag: begin weer mit dae Letterbak.
Allei: det mót – mae wie? Gezette en blaedjes wille zoeget neet mie. ’t Guf waal get angers, heur ich dan. Zeker: internet. En wo kan ich noe baeter Letterbakke es op de website van Veldeke ... (Ich weit waal get baeters, mae det kump – en neet wie biej einen ós de milk; aafwachte).
Twie dinger. Iers: wie dök doon ich det? Jeder waek? Ich waer dao neet veur betaald. Hoof neet, den wen ich weer breve krieg (mails noe), guf det zoeväöl gooddoons, det ich d’n Trappies dae neudig is ...
... det ich uch ein dartig bek sjaors wil belaove. Neet ammaol mit nuuj grei.
Wiejer: sjrief ich dae bak in ’t Limburgs of in de sjtandaardtaal?
Lestig. Miene grel zaet: doe bös weggelache mit dien AGL, Algemein Gesjreve Limburgs. Mien ievere veur det AGL beteikende (biejnao zeker, ich höb nieks op pepeer) ’t inj van de Letterbak. En dan mót ich noe ...
... mich de kop braeke euver wie waat ich te zègke höb nag baeter in ’t Limburgs kan? Of get biejveuglik naamwaord geneump mót waere, gezèkde (of gezegde). Anger vräögske: mótte veer van liejend veurwerp kalle, of is ei veurwerp ei dink? Liejend dink? Nae: dan sjrief ich lever verhaole. Höb ich nieks vandoon mit ’t Hollesj.
Wiejer: in de Jaorbeuk(er) van Veldeke zien de sjtökker euver taal in het Nederlandjs. Leus zich get maekeliker. En dan vónj ich al blajend door mien Lètterbek ein meining van Jan Notten, dae väöl beteikende veur Veldeke. Hae zag in het LD (ich kaartde det aan in de Letterbak 241092) det Oos Taal veural heim gebroek mót waere en in de kaffee. Noe kump ‘t, wie de gezettemiens det euverbrach: “Het ideaal van Veldeke is niet om het dialect te propageren in plaats van het Nederlands. Als dat het streven zou worden, zou Notten onmiddellijk de dialectvereniging de rug toekeren.”
Ich wil dao hiej nieks wiejers euver kwiet. Geer waal? Dao is de website veur... En ich begin mit