Limburgse wunsjkate op 't Internet
’t Is ee good gebroek um zich bei plezerige of wiëniger plezerige momente ing wunsjkaat te sjikke. Vanaaf aavank december kint ier via Internet zelf Limburgse wunsjkate make: kate mit Limburgse tekste en Limburgse bilder. Gans wie dier ’t zelf sjoeën vingt en wie ’t uch ’t betste bevilt. Dees kate weëde durch ee professioneel bedrief gedruk en doanoa kint ier ze zelf versjikke of loate versjikke.
Doa-aa vuuraaf weëd inne wedsjtried gehoate, woeëbei foto’s, illestrasies of tekste vuur wunsjkate kinne weëde i-gesjik rónkum de thema’s : fes, krismes, oad en nui, jubeleum, verjoardaag, kommunie, verhoeze, trouwe, trure, krankheet, vruid, en zoe wier. De foto’s en illestrasies mótte i Limburg gemak zieë en de tekste (wunsje of kling gedichsjkes mótte in éé va de Limburgse dialekte gesjrieëve zieë.
\
Zoë kint 't waere: D'r Pancratiuskirk va Heële mit 'n Heëlesje krismeswunsj.
’t Projek is ee initiatief va Veldeke, krink Heële, i samewirking mit anger kringe va Veldeke.
Veldeke wilt mit dit projek ’t gebroek van ’t dialek in alledaagse sitewasies
promote. Doabei weëd samegewirk mit ee internetbedrief.
D’r aa-vangsdatum va d’r wedsjtied ligk i d’r september 2009 en weëd via dees website en i de gezette bekind gemak. ’t Hat nog ginne zin um noe al foto’s, illestraties of tekste i te sjikke. Mieë informasie is i d’r kómmende september besjikbaar.
Het laatste nieuws
John Bovendeert wint Literatuurprijs '09
John Bovendeert (64) uit Hulsberg is tijdens een feestelijke bijeenkomst van Veldeke Limburg in Thorn zondagmiddag 22 november uitgeroepen als winnaar van de Veldeke Literatuurprijs 2009.Ook Luc de Rooy en Joop Schaminée waren voor deze prijs genomineerd. De jeugdprijs ging naar Wies Seelen. > Lees verder...