W\u00f3l ich op Aruba wone wo \u2019t bao ummer \u2018tzelfde waer is? Neet gaer, mae hiej … Keteer geleje gries en dreug, doe raengel, noe get t\u00f6sse sjniej en raengel in. Tied veur werm tr\u00f6k te dinke aan de zomer, wie ich net op \u2019t Belsj zoot te leinsame in de z\u00f3n.<\/p>\n
Waat? Noets van \u2019t waord leinsame geheurd? Det kump van\u00a0leinsaam\u00a0\u2013 \u2019t umgedrejde van Maasniel, wo ich gebaore b\u00f6n. Luuj dinke det ich dao nag ummer w\u00e4\u00f6rd zit te dabbe, poejakke wie eine koelp\u00f6tter.<\/p>\n
Nieks daovan. W\u00e4\u00f6rd m\u00f3t me vange. Ich zoot dus dao te leinsame. Min bewaegend sjtillaeve: eine Leffe, sjrif biej mich, get miemerigs opsjrieve, sjuttelke kees biej de Leffe, en ei huundje det neet d\u00f6rf. Dae zoot braaf te sjpienze of d\u2019r get kreeg. Kump de kasteleinse nao boete en ze kief: Bobbie, nutte giepjas.<\/p>\n
Det woor mich get (veur mich dan): giepjas \u2013 dao paaf op det terras. Ich zag det det huundje zoot te sjpienze \u2013 me heurt ouch sjpinse: loere. En jao, begin september, wie \u2018t kabinet det veer noe h\u00f6bbe van de baan leek, sjting in Trouw: \u201cLinks Nederland maalt niet om de mislukte kabinetsformatie en spinst op nieuwe kansen.\u201d Eine van \u00f3s dae det sjreef?<\/p>\n
Weit ich neet, mae \u2019t waord sjteit geweun in de v. Dale: spinzen (spinsen), verlangen naar, zoeken , speuren; veurbeeldj: ergens op spinzen. Kump van \u2019t Aodfranse\u00a0espenser, bedenken, zaet det waordebook.<\/p>\n
Vraem is det \u2019t grote Waordebook der Nederlandsche Taal (WNT) det in \u2019t deil van de S, oet 1936, nag neet haet. Waal in de aanv\u00f6lling (2001). Nujer waord dus? Ich dink det v. Dale det waord oet \u2019t Bargoens waordebook (1972) haet, mae veur dan? In Amsterdam geheurd mit de Sjtille Umgank?<\/p>\n
Kwatsj. \u2019t WNT verwies nao Houx, en det is \u2019t waordebook van Tegele: gluren, bespioneren, scherp observeren. Det liek get angers es loere, aevel neet waezelik. Wiejer guf ouch \u2019t Waordebook van Vinlo \u2018loere\u2019 es beteikenis. \u2019t WNT gluif neet zoe aan de verklaoring oet \u2019t Bargoens, mae wies op \u2019t Rienlandj, wo me\u00a0spinksen\u00a0haet: scherp oppassen, en al weer:\u00a0louern.<\/p>\n
En det huundje? Giepe haet de v. Dale ouch, es\u00a0gijpen: staan watertanden als iemand wat eet. Sjteit biej: gewestelijk. Ich h\u00f6b det\u00a0gijpen\u00a0nag noets geheurd of gelaeze. Ins sjpienze in de greune v. Dale, dae van \u2019t Duutsj. Sicherlich:\u00a0giepern, begerig zijn, heftig verlangen, hunkeren. Ouch: gieperig = gretig, begerig. Aafgesjpraoke: veer kalle vanaaf noe neet van eine rokkejaeger, wievergek (allei …) of det v\u00e4\u00f6l te sjieke womanizer, nae: eine gieperige vent. Of geweun gieper? Veer k\u00f3nne Oos Taal make wie veer det wille …<\/p>\n
Wim Kuipers,<\/em> W\u00f3l ich op Aruba wone wo \u2019t bao ummer \u2018tzelfde waer is? Neet gaer, mae hiej … Keteer geleje gries en dreug, doe raengel, noe get t\u00f6sse sjniej en raengel in. Tied veur werm tr\u00f6k te dinke aan de zomer, wie ich net op \u2019t Belsj zoot te leinsame in de z\u00f3n. Waat? Noets van […]<\/p>\n","protected":false},"author":5,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"inline_featured_image":false,"footnotes":""},"class_list":["post-50827","page","type-page","status-publish","hentry"],"acf":[],"yoast_head":"\n
\njannewarie 2011<\/em><\/p>\n","protected":false},"excerpt":{"rendered":"