\u2018t Woort dutelik det de naam neet erg Nederlands kl\u00f3nk. Umdet La Meuse ouk nog ens door andere provincies struimde, woort \u2019ne naam bedach dae mier op \u2018n vertaling in \u2019t Nederlands zoel lieke. \u2019t Woort: DE MAAS. Amper \u2018ne gas kielemaeter wiejer woort, veur\u00a0 \u2019n kort st\u00f6kske, de naam\u00a0 veranderd. In Venlo woe\u00ebnde\u00a0 vruger vuuel Joede en as die, juus wie vuuel Venlonaere, nao \u2019t huuske\u00a0 meuste deje die det in DE MAAS.\u00a0 \u2019t Hebreeuws veur\u00a0 raegene\u00a0 en \u2019urinere\u2019 is MAJEME. Me waas \u2018t rap ins det DE MAAS in Venlo: De Majjem zoel heite. Mit \u2019n ekstra \u2018J\u2019 waal te verstaon.\u00a0 Aevel allein in Venlo. Det De Maas, vanoet Frankrijk, Belgi\u00eb en Mestreech toch al neet mier zuver waar, stook d\u2019r genne. \u2019n St\u00f6k vaerder as Venlo woort \u2019t opnie: DE MAAS. Minse met de achternaam MAOS zal me in Mestreech neet vinde, juus wie me in Venlo neet rap \u2018ne MAJJEM taegekump. Waal krege minse in Venlo, die Maas heite, d\u00f6k as beejnaam: \u201dDE MAJJEM.\u201d Det in \u2019t vrugere stroumgebied van de Maas\u00a0 \u2018ne Mosasourus is gev\u00f3nde is neet vraemp. Dae naam kump van de Latiense naam veur de Maas – MOSA – en de Griekse naam veur hagedis – SOURUS –\u00a0 \u2018t Is aevel niks anders as \u2018ne oet zien jeske gegreujde Maashagedis. De kleinere van det soort bie\u00ebste zien d\u2019r euveral op de zandgr\u00f3nde naeve de Maas te vinde. Um dao vuuel poespas euver te make is kwats. Staej die aan de Maas ligge gebroeke \u2019t water, nao det \u2019t gezuverd is, as drinkwater. Det \u2018t Maaswater al door vuuel minse gedr\u00f3nke en oetgemajemp is en vaerderop weer gezuverd wuurt, haet mich doon besloete,allein nog maar baer te drinke.<\/p>\n
Jan Maas, augustus 2017 Mestreech haet zien staole loupbr\u00f6k euver de Maos, daonaeve nog ens \u2019n steine br\u00f6k en de Noorderbr\u00f6k. Remund haet \u2019n br\u00f6k van bet\u00f3n versterk mit iezer en \u2019n iezere spoorbr\u00f6k euver de Maas. Euver de Roer, juus veurdet die zich aan de Maas euvergif, nog ens \u2019n moe\u00ebje steine br\u00f6k. Kump me in Venlo zuut me dao veer br\u00f6gke euver de Majjem. Vanoet de Venlose kant gezeen kinne de Venlonere\u00a0 nao Blierick kieke. Andersum geit ouk. In de veurigen ieuw kwaam Blierick beej Venlo. Daoveur hoort Blierick beej de gemeinte Maaasbree. In \u2019t haos tachetigjeurige samegaon van Venlo en Blierick zien d\u2019r hiel waat trouwerieje gewaes t\u00f6sse Blierickse maedjes en Venlose j\u00f3nges. Andersum ouk. Sterker nog d\u2019r ware ouk trouwerieje t\u00f6sse Blierickse j\u00f3nges en Venlose j\u00f3nges en Venlose maedjes en Blierickse maedjes. Waat bind die twie\u00eb stadsdeile nog mier kin me zich aafvraoge. Inkele Venlose zakeluuj wille noow \u2019n kabel(br\u00f6k) euver de Majjem. Bang det Blierick d\u2019r t\u00f6ssenoet geit. Juus wie hundjes die aan \u2019n lienke gehalde waere, wille zeej \u2019n kabelbaan. In \u00f3s land is neet d\u00f6k waat mit \u2019n br\u00f6k aan de hand. \u00d3ngel\u00f6kke op \u2019n br\u00f6k gebeure d\u2019r ouk neet d\u00f6k. Euver trammelant mit kabelbane kin me mei en dan waal laeze. Files op de waeg zien d\u2019r ouk mier as \u00f3s leef is. Um van<\/p>\n Blierick nao Venlo of van Venlo nao Blierick te kinne gaon, dan mit de kabelbaan, \u00f3nsteit volges mich \u2019n nie \u2018knelpunt\u2019. Det de veurstanders d\u2019rop oet zien iddere morge op \u2019t nies te kinne hure det d\u2019r \u2019n file van doezend\u00a0 man veur de kabelbaan steit en det de minse ein oor later op eur werk zulle verschiene zeen die as \u2019n gooj reklaam veur Venlo.<\/p>\n Jan Maas, augustus 2017 Had ik op schoe\u00ebl baeter opgelet had ik van \u2019t miervoud van:’Maas’ neet Mazen gemak. Waat \u2019t dan waal m\u00f3t zien weit ik neet. Wie Maasje \u2019t haasje waar k\u00f3s hae, nao zien schoe\u00ebl ouk nog ens veur nop, twie\u00eb jaor in deens gaon. In Venlo zaet me neet det \u2019t raegent. Dao majjemp \u2018t. In Mestreech m\u00f3tte ze volges mich dan zegge: \u201c \u2019t Maosde,\u201d en in Ech: \u201c \u2019t Maasde.\u201d Aevel zeker weite doon ik det neet. Haet me as veur- en achternaam dezelfde naam en is det:’Maas’, dan haet me waat oet te legge of krieg me smeis de vraog:\u201c Hit geej van veur \u2018t zelfde wie van achter? \u201c ‘n Maffe vraog eigelik, idderein hit van veur \u2018t zelfde wie vanachter. D\u2019r Zien minse die mit eure veur-en achternaam Maas heite. Maas Maas dus. Aafgekort wuurt det 2Ma\u2019s of Maassen.<\/p>\n \u2019t Guf trouwens massa’s mazen. Veural in brei-en haakwerk en in \u00f3s wetgaeving. Advekaote weite dao alles van. (D\u2019r zien twie\u00eb soorte boeve, de d\u00f3mme en de slumme. De d\u00f3mme blieve boef en de slumme waere advekaot.) De rivier de Maas wuurt door \u00f3s minse neet allein gebroek um op te vare of in te visse. Jan Pollux zaliger z\u00f3ng d\u2019r al euver. \u201cZeg ik hop hop dan geit hae, zeg ik ju ju ju blief hae staon\u2026 heb mien fietske maar de Majjem ingekiep. As dreksbak dus. Nao d\u2019n oorlog kwaam \u2019t veur det\u00a0 de vissers genne vis, maar \u2018ne Pruse laars of helm aan d\u2019n haok hadde. Dao k\u00f3s me neet mit thoesk\u00f3mme!<\/p>\n<\/div>\n \u2019t Piel van de Majjem steig as alle femielie\u2019s Maas d\u2019r tegeliek in zwumme hoort ik lets ens. As idderen dr\u00f6ppel Maaswater eine Eurocent waar, hoofde genne ermood te lieje. Of weej dan gel\u00f6kkiger ware zit nog in wie zek. D\u2019r zien d\u2019r die altied die mier wille hebbe wie \u2019ne andere. Minse doon zich mit water wasse, aevel as de Maas\u00a0 aan \u2019t wasse is vinde weej det neet kwant. \u2019n \u2018Glijhelling\u2019 huurt neet allein beej \u2018nen berg.\u00a0 Beej de meanderende Maas hit \u2018ne binnebaog\u00a0 ouk \u2019n \u2018glijhelling\u2019. \u2019n Vruchbaar en hoe\u00ebger gelaege st\u00f6k gr\u00f3nd, beej \u2019n revier wuurt: \u201cstroumr\u00f6kgr\u00f3nd,\u201dgeneump. \u2018ne ‘Maasbal’ is \u2019ne h\u00f6ltere bal wao-euver \u2019t breiwerk gespanne woort um te kinne Mazen. (Breiwerk herstellen.) en ‘t ‘Verhang’ is ‘t verval euver\u00a0 twie\u00eb vaste maetpunte.<\/p>\n<\/div>\n Mien Limburg vuerstelle as ‘n provincie z\u00f3nder water, is veur mich altied ‘n utopie gewaes. De Maas is d’n hoofslaagaor van \u00f3s limburg. Neet weg te dinke veur genne echte limburger. Det juus wie de kleine aore in \u00f3s lief, d’r ouk ouk nog ‘ne gas klein riviere door Limburg struime is mitgenaome. De Maas is ‘n raegenrivier. De Roer, de Geul, de Swalm, de Niers en neet te vergaete de Jeker helpe de Maas. Door dae ekstra wateraanveur blief de Maas op ‘t juuste waterpiel. Det mit technische h\u00f6lpmiddele, wie sloeze en kanale, de Maas nog ens ‘n steuntje krieg is neet vraemp. Ouk beej \u00f3s minse waere waal ens onneteurlike h\u00f6lpmiddele aangebrach. Daobeej wuurt inplaats van water, sloes of kanaal, Botox gebroek. As kwaoj\u00f3ng woe\u00ebnde ik doe\u00ebn beej de Maas.Wie ik alder woort leek ‘t of de Maas, die in Venlo de Majjem hit, doe\u00ebnderbeej loog.<\/p>\n<\/div>\n Det kwaam\u00a0 neet umdet ik verhoes waar. Nae, det kwaam volges mich umdet ik groe\u00ebtere passe makde wie ik gegreujd waar. Mit miene naef Jan, dae naeve \u00f3s woe\u00ebnde en wao ik good mit bevrind waar ging ik op ‘ne gojen daag visse in de Majjem. Hae had van ziene pap ‘n visgeert gekrege mit ziene verjeurdaag. Veur miene pap, dae ‘n greuntewinkel had, brach ik d\u00f6k de baodschappe nao de klante. Smeis goof\u00a0 pap mich ‘n d\u00f6bbeltje veur in de spaarpot. Ik vertelde neet altied det ik van de klant ouk al ‘ne stuver had gekrege. Had ik de ganse daag gewerk kreeg ik ‘ne piek. Miene spaarpot puulde op ‘ne gojen daag oet en ik koch mich mien eige visgeert.Ik hoofde neet mier mit mien naef nao de Majjem te gaon um naeve um te zitte en te kieke nao de andere vissers en of det Jan ziene dobber \u00f3nderwater woort getrokke. As weej waal ens speulde in de buurt van de vissers mochte weej gen kebaal make. Iers dach ik det de vissers dan wakker woorte. Later kwaam ik d’r achter det de visse schouw woorte en op de luip ginge. Det ‘t geluud door water ‘ne gas kier baeter geit wiste weej toen nog neet. Wie ik op schoe\u00ebl Natuurkunde les kreeg woort mich det verduuts. Dolfijne kinne mit ‘t make van ‘dol fijne’ geluje zich op kielomaeters aafstand verstaon. Noow kinne minse det ouk, aevel die doon det mit ‘ne tillefoon.<\/p>\n Zeej kinne zich dan waal verstaon, wao neet mit gezag is det zeej zich begriepe. D’n ierste kier v\u00f3ng ik aevel neet eine vis. De aldere vissers hadde mitlie mit mich en gove mich ‘ne gas viskes. Ik deej die in mien eimerke en vroog waat veur visse ‘t ware. “Dae broene is ‘ne braodhiering,” zag eine van eur. ‘nen Andere zag:”Die twie\u00eb kleine zilverkleurige zien verdwaalde sardientjes en de res zien Franse ringelaore.” Op waeg nao hoes leep ik beej de visboer nao binne. “Wit geej waat det veur visse zien? “vroog ik. Det zien twie\u00eb Alvers die vuuel te klein zien. Die m\u00f3s se truuk smiete j\u00f3ng. Dae broene is ‘n Bermpje ‘ne echte zeutwatervis. Die andere zien Voorns”\u00a0 “Waat veur vis zit d’r eigelijk gewuuenlik in de Majjem?”vroog ik um. “Genne inkele j\u00f3ng, die zwumme allemaol. In de Majjem laef vuuel, Paoling,Voorn, Winde, Blei, Baars, Karper en Zeelt en smeis vange de vissers ‘ne Snoek. Let op des se genne wout taegekumps. As dae zuut des se die viskes neet truuk hebs gesmete neemp dae dich dien geert aaf. En hebs se gen visvergunning m\u00f3s se mit nao ‘t bero en zits se veur ‘ne nach in ‘t kotje.” Ik schr\u00f3k mich ‘n \u00f3ngel\u00f6k. Beej de ierste put die ik taegekwaam leet ik die viskes d’r in valle in de haop det die oetintelik beej d’n broeser kwame en daonao weer in de Majjem. D’n broeser waar ‘n groe\u00ebte bet\u00f3nne buus wao alle aafvalwater van de stad beejein kwaam um daonao de Majjem in te struime. Det d’r achter dae broeser neet altied ‘n lekker luchje h\u00f3ng waar neet vraemp. De visse hadde dao gennne las van en lete zich ‘t aete good smake. Visse hure good aevel of die ouk good kinne ruke betwiefel ik.<\/p>\n<\/div>\n<\/div>\n![\"\"](\"https:\/\/www.veldeke.net\/wp-content\/uploads\/2018\/03\/Scheidingslijn3.jpg\")
<\/a><\/p>\nIntelik aan ‘t lienke \u00a0 \u00a0 \u00a0 \u00a0 \u00a0<\/strong><\/span><\/h3>\n
<\/a><\/p>\nEducation permanente<\/h3>\n
<\/a><\/div>\nWater mit ‘n luchje.<\/h3>\n
\nIk deej juus of ik eur gluifde. Mien naef had mich gewaarschouwd. “As se waat aan vissers vruuegs m\u00f3sse d’r neet van oetgaon det die de waorheid spraeke,”waar zien goje raod.<\/p>\n