![\"\"](\"https:\/\/www.veldeke.net\/wp-content\/uploads\/2021\/11\/Sjabloon-611-2-kopieren.jpg\")
<\/a><\/p>\nInj augustus al. Ougsmaondj veurbiej. Ougs? Zeker, det waord zit in \u2018augustus\u2019, mae waat z\u00f3l hiej gemeind zien? De ougs aan medalies in Japan? Gers dan, weit kaore en de aerpel sjn\u00f3t. Gel\u00f6kkig guf \u2019t nag mier veldjgewas: krotte, eppel en (laot die gewaere) paere.<\/p>\n
En \u2018t pepere Veldgewas dan?\u00a0Ich hauw daomit sjloes wille make. Krank van \u2019t gedeuns van Code Rood. Zuug:<\/p>\n
ik zal de halmen niet meer zien<\/span> Hiej sjteit dus: \u2019t doert nag lang veur \u2019t baeter geit mit Oos Taal.\u00a0Kump oet \u2018t gedich De ploeger van Adriaan Rolang Holst (1888-1976). Eine ploger? Gr\u00f3ndj gereid make veur luuj die de haver en weit breid oetsjtruie: das war einmal.\u00a0Ierder in \u2018t gedich sjteit:<\/p>\n Ik vraag geen oogst; ik heb geen schuren,<\/span> Wen daen ik ich z\u00f3l zien, waem m\u00f3tte veer dan zeen es gij? Geer! Groot NUUTS: veur \u2018t mesjiens leste deil van Platbook h\u00f6bbe 106 sjrievers same ruum 160 gedichter, verhaole en columns ingesjik. GEWELDIG.\u00a0Daoveur geit Veldgewas wiejer. Kump weer bleuj. Laot gaon dae wage v\u00f3l veldjgewas. \u2018t Guf nag reube, late petatte poor meuskes (sjproete) kr\u00f3lmoos kappes oftewaal: Code Roodmoos.<\/p>\n Ik v\u00f3nj nag ein aod gedich. Ich woor doe z\u00f6s maal zeve, mein ich.<\/p>\n Wen de vrouw de luipe vertratsj<\/span> Die neges, det sjt\u00f6k: geit euver heuge. Gooj kaart zien det, wiewaal veer (4) boere baeter zien. Haop veur \u2019t wiejer gaon. Wiejer mit dabbe, det is wroeten, mit de henj. In Hollandj sjtaon ze met hun poten in de klei \u2013 sjtaon versus doon. Dudelik?<\/p>\n M\u00f3t nag get kwiet. In de vurge aaflevering knoterde ich (weer)euver \u2019t gedeuns euver oos G. Gesjpraoke taal dus, klanke die w\u00e4\u00f6\u00efd make, w\u00e4\u00f6rd aevel die neet wie veldjgewas in de gr\u00f3ndj gew\u00f6rteld zien.\u00a0Jan Maas antjwaorde sebiet. Ich wil allein ingaon op zien besjloet:<\/p>\n Hebbe weej Limburgers neet zelf vuu\u00ebl sch\u00f6ld as weej eur, eure zin blieve gaeve?<\/span><\/em><\/p>\n Good gezeen Jan. Ich mein: veer verdedige Oos Taal neet gen\u00f3g. Knotere hoogoet get wen emes kakelt euver ein brabbeltaaltje. Mae laote veer, nae: de daartoe Aangestelden, nao de geweune man waert neet geloesterd, gans \u2019t vaderlandj zeen waat \u2019t Limburgs, Oos Taal, w\u00f6rkelik veursjtelt? En is!<\/p>\n Wie waat? Nederlands met een spraakgebrek?\u00a0\u2019t Woor vriedigaovendj. L1 (of 1L?) deilde \u00f3s mit, wach ich naem dae kop euver:<\/p>\n Dialect in musical Dagboek van een Herdershon<\/span><\/em>d.<\/p>\n \u2019t Verklaorende artikel begint zoe: Joes Brauers en Suzan Seegers spelen hun rol in de musical Dagboek van een Herdershond in het Limburgs.\u00a0Waat veur Limburgs dan, z\u00f3l me k\u00f3nne dinke. Gebrooks Mooks? Icc citeer: Brauers speelt de hoofdrol “in het Nederlands dat we in Limburg met elkaar spreken met hier en daar een woord dialect.”<\/p>\n Dialect \u2013 Limburgs \u2013 Nederlands dat wij met elkaar spreken. Neet dus waat die artieste m\u00f3tte sjpraeke wen ze in Hollandj geaccepteerd wille waere. Ich weit \u2019t neet. De gezet citeerde Brauers euver daen H\u00f3ndj zoe: \u2018Het wordt een ode aan LimburgWoordjes in het dialect, het rijke roomse leven in een veranderende wereld\u2019.<\/p>\n Waat noe? Zeiver? En ich \u2026<\/p>\n \u2026beg\u00f3s aan ein besjouwing, verhaol, waerde wanhaopig, giftig beg\u00f3s obbernuuj, \u2026 \u2026\u2019i waerde nach, k\u00f3s neet sjlaope, onneet mit ougs van Gr\u00fcner Veltliner, neet sjlaope, wo b\u00f6n ich aan beg\u00f3s – , \u2018t daagde in den oosten, de Veltliner, ich w\u00f3s zeker:\u00a0me ploog neet veur al of neet biologisch gez\u00f3n, anger \u00f3nkroed, sjlekke, duvelse doeve\u2026 en doe zoog ich alles waat ich deej, meinde te doon in bao veertig jaor veur Oos Taal, sjei mich meug sjei oet.<\/p>\n Ich m\u00f3t de ploeg van uw woord gaan besturen.<\/p>\n Woord, neet w\u00e4\u00f6rd. Ich gaon waal w\u00e4\u00f6rd sjture = sjikke, de neudig w\u00e4\u00f6rd via Veldgewas: blaad van en veur Oos Taal. Ich gaon \u2018t geknoter (geknoter is sjnoter, ouch ougs mae neet veur de sjure \u2013 onderwijsinstellingen?) verangere in k\u00f3rte sjt\u00f6kskes, neum die zkv\u2019s, neet wiel ich \u00f3ngeliek bekin, geliek: waat m\u00f3t ich daomit, mae waege Oos Taal, de taal van mien elders, eums mit h\u00e4\u00f6r verhaole, mien tante Bet (1886), analfabeet eigelik, woonde biej \u00f3s in hoes, veer klasse kl\u00f3mpesjool, doe m\u00f3s ze heim blieve, veur de anger wichter z\u00f6rge, mithelpe op \u2019t landj.<\/p>\n Hiej kump al get.<\/p>\n Limburgs is dus \u2019t Nederlandjs wie veer det sjpraeke, leet L1 weite. Dus de ich dink doezjend gedichter die in Veldgewas gesjtange h\u00f6bbe, de zkv\u2019kes, mie geknoter, det z\u00f3l gein waorlik Limburgs zien. Hoogoet eine moenik v\u00f3l dialekw\u00e4\u00f6rd. Weitesjap.<\/p>\n Ich h\u00f6b mich eine gas gedichter bekeke, en keem alderlei vraem w\u00e4\u00f6rd taenge. H\u00f3ngerde. Ich neum gekskes wie de, in, op, langs, deur, en de res zien dialekw\u00e4\u00f6rd.<\/p>\n Ich mein hiejmit dink det \u2019t neet mekkelik is ein neet-gez\u00f3chte zin in \u2019t Limburgs te sjrieve wovan de computer alle w\u00e4\u00f6rd rood \u00f3ngersjtreep. Oetdaging: ich dink aan ein zin van get mier es teen w\u00e4\u00f6rd. Waem geit d\u2019r mich ein sjikke.<\/p>\n Ich gaon wiejer mit \u2019t Limburgs blaffe van dae sjepersh\u00f3ndj. Wie kriege ze dae kal vaerdig. Ich kan ze aevel neet v\u00e4\u00f6l verwiete, den v\u2019r h\u00f6bbe wie Jan Maas al zag: oos mitlenjers (nae, det kan neet) wied te min verduutsj waat Oos Taal noe w\u00f6rkelik is. Ich dink dan aan eine versjlaaggaever van \u2019t AD, noe de gr\u00f3tste gezet van \u2019t landj, dae hielemaol nao \u2019t binneste boetelandj gesjik waerde. Op de mert van Maaseik heurde hae \u2018een taaltje dat verdacht veel op Duits lijkt\u2019.<\/p>\n Wovan verdach dan? Nae, ze weite bao nieks van \u00f3s en oos taal. Allein die d\u00f3m zaachte G die ze rattekaal vaut vinje.\u00a0Laot ze. Allein dit: \u2019t guf gein mit ein zaachte G oetgesjpraoke w\u00e4\u00f6rd die gans get angers beteikene wen ze mit de hel G (CH?) oetgesjpraoke waere. Waat is dan zoe verkierd aan oos G? Veurbeeldj: wen veur lache(n) oet z\u00f3lle sjpraeke es lagge (wie \u2019vlaggen\u2019), en det z\u00f3l b\u00e4\u00f6ke beteikene, ja dan \u2026<\/p>\n <\/p>\n <\/p>\n","protected":false},"excerpt":{"rendered":" Inj augustus al. Ougsmaondj veurbiej. Ougs? Zeker, det waord zit in \u2018augustus\u2019, mae waat z\u00f3l hiej gemeind zien? De ougs aan medalies in Japan? Gers dan, weit kaore en de aerpel sjn\u00f3t. Gel\u00f6kkig guf \u2019t nag mier veldjgewas: krotte, eppel en (laot die gewaere) paere. En \u2018t pepere Veldgewas dan?\u00a0Ich hauw daomit sjloes wille […]<\/p>\n","protected":false},"author":5,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"inline_featured_image":false,"footnotes":""},"class_list":["post-53564","page","type-page","status-publish","hentry"],"acf":[],"yoast_head":"\n
\nnoch binden ooit de volle schoven,<\/span>
\nmaar doe mij in den oogst geloven<\/span>
\nwaarvoor ik dien\u2026<\/span><\/p>\n
\nik sta in uwen dienst zonder bezit.<\/span>
\nMaar ik ben rijk in dit:<\/span>
\ndat ik den ploeg van uw woord mag besturen,<\/span>
\nen dat gij mij hebt toegewezen dit afgelegen land en deze (\u2026)<\/span><\/p>\n
\n\u2019t paerd zien ploog verpatsj<\/span>
\ndan, dan dab ich wiejer \u2013 gel\u00f6k<\/span>
\nlek mich de z\u00f6k<\/span>
\nsjoons veer neges en sjt\u00f6k.<\/span><\/p>\nLagge mit de zaachte G<\/h3>\n