Naotot de Limburgse taol in 1997 officieel erkind waor es streektaol op basis vaan \u2019t Europees Handvest, heet de provincie behoofte geveuld aon \u2019n adviesorgaan veur streektaolbeleid. Daotouw is de Raod veur \u2019t Limburgs in \u2019t leve gerope. In dee Raod zaote en zitte – neve gespecialiseerde taolkundege – ouch vertegenwoordigers vaan versj\u00e8llende organisaties die ziech m\u00e8t eus dialek bezeg hawwe. Zoe heet ouch Veldeke es groetste dialekvereineging \u2018ne vertegenwoordeger in de Raod en dat is sedert jaor en daag dr. Lei Heijenrath.<\/p>\n
De leste jaore kaom ummertouw mie kritiek op \u2019t functionere vaan de Raod. In plaots vaan advies te geve en \u2019n visie te oontwikkele op \u2019t streektaolbeleid waor de Raod ziech mie en mie goon bezeg hawwe m\u00e8t alderlei oetveurende take, die ze eigelek beter aon ander organisaties k\u00f3s euverlaote. De Raod heet ziech bezonne op h\u00e4\u00f6r eige positie en heet noe e veurst\u00e8l gedoon aon de provincie um in de touwkoms anders te goon functionere.<\/p>\n
Veldeke is bepaold neet gel\u00f6kkeg m\u00e8t de oetkoms vaan die bezinning. In eus ouge waor noe de kans dao gewees um \u2018ne flinke stap veuroet te z\u00e8tte m\u00e8t eus streektaolbeleid en te z\u00f6rge veur \u2019n structuur die garant steit veur \u2018ne gezagh\u00f6bbende en breid gedrage touwkomsvisie op wie veer m\u00e8t eus dialekte mote umgoon. In plaots daovaan degradeert de Raod ziech in eus ouge tot \u2019n in \u2019t b\u00e8ste geval vrijblievend adviescollege veur d\u2019n d\u00e9put\u00e9 en in \u2019t slechste geval tot \u2019n excuis veur d\u2019n d\u00e9put\u00e9 um zien eige planne door te veure zoonder ziech nog te hove verantwoorde nao de dialekorganisaties in de provincie.<\/p>\n