![\"\"](\"https:\/\/www.veldeke.net\/wp-content\/uploads\/2024\/03\/Rob-Benders-1.jpg\")
<\/a><\/h3>\nRob Benders (51) is gebore in Tegele, \u201cop de Tegelse hei\u201d, wie heer zeet. Zien vrouw kump oet Ierland en ze h\u00f6bbe 4 kinder, boevaan de awste oondertosse de deur oet is. De mietaolegheid waor dus al bij\u00a0 veurbaat ingebakke in zien hoeshawwe. Zien vrouw heet ziech \u2019t Nederlands eige gemaak en dat sprik ze ouch m\u00e8t de kinder, Rob sprik Tegels m\u00e8t ze en same spreke ze of Ingels of Nederlands. En dat neet allein umtot wetensjappelek beweze is tot dat good is veur de oontwikkeling, vint Rob: \u201dInt\u00f6sse zien d\u2019r \u2018nen hie\u00eblen houp veurdeile bek\u00e8nd \u00f6m mie\u00ebrtaligheid te introducere, ouch in de thoessituatie, aevel wat d\u00f6k euvergesjlage wuuert is det \u2018t ouch gewoe\u00ebn hie\u00ebl erg leuk is. Kinger\u00a0 die zuus se sjakele,die vinge det leuk, die zien ouch lie\u00ebrgierig netuurlik, die zien niesjierig waor\u00f6m \u2018n waord hie\u00ebl vuuel liek op \u2018n anger waord of juus neet.; dao kriegs se vraoge euver en ich dink det se dao allein maar sjlummer van waere. Aevel zoe\u00eb as \u2018t nag alzelaeve geit, zoe\u00eb gauw as se boete kums, op sjoe\u00ebl of beej angere organisaties, den is \u2018t de normaalste zaak van de waereld det dao Nederlands gepraot wuuert.<\/p>\n
Nao zien studie kuns en cultuur in Nimwege is Rob begonne es jongerew\u00e8rker meh daan eine dee veural bezeg waor m\u00e8t kuns en cultuur en op dat gebeed vaan alles organiseerde. E jaor of vieftien geleie is heer veur ziechzelf begonne. Heer oontwikkelde l\u00e8smateriaol veur kuns- en cultuuroonderwies. Heer gaof gaslesse en workshops in klasse meh ouch in musea en kunscentra. Zoe lierde heer de krach en ouch de beperkinge kinne vaan taol en ander v\u00f6rm vaan communicatie (beeldtaol, liechaamstaol) umtot heer ouch v\u00e4\u00f6l w\u00e8rkde m\u00e8t lui veur wee \u2019t Nederlands neet hun eige taol waor of umtot ze um medische redene meujte hadde m\u00e8t taol.<\/p>\n
Verbinde es beroop<\/h3>\n
Vaanoet zie werk in de cultuursector waor Rob bekind m\u00e8t \u2019t Huis voor de Kunsten Limburg in Remund en zoe wis heer ouch al gaw vaan de planne um \u2019n Hoes veur \u2019t Limburgs op te riechte. En wie de vacature veur \u2019ne \u2018verbinder\u2019 veur dat Hoes bekind woort gemaak, had heer metein \u2019t idee tot die functie h\u00e4\u00f6m op \u2019t lief gesjreve waor. Ouch in zien studie en zie werk waore kuns en cultuur noets \u2019n doel op ziech gewees meh altied e middel um ander doele te bereike. En ein vaan die doele waor ummertouw \u2019t\u00a0 l\u00e8gke vaan verbindinge t\u00f6sse gr\u00f3ppe lui of projekte. Heer hoofde ziech daan ouch koelek veur te bereie op zie sollicitatiegesprek bij \u2019t Hoes umtot heer al midde in de materie zaot. En gel\u00f6kkeg veur h\u00e4\u00f6m veel \u2019t kwartsje bij de selectie ziene kant op.<\/p>\n
Rob heet bij \u2019t Hoes te make m\u00e8t \u2019n groete vari\u00ebteit aon organisaties en vereineginge en heer is dao blij m\u00e8t want daan hoof heer neet alles allein oet te vinde. “Dao zien al zoe\u00eb vuuel minse , j\u00f3nk en aad, versjpreid binne de ganse provincie, die zich op ein of angere meneer\u00a0 m\u00e8t taal bezig haje, dao k\u00e8n ich op de ie\u00ebrste plaats vuuel van lie\u00ebre, die hebbe d\u00f6k al hie\u00ebl get op eur ie\u00ebrelieste en ich maak ouch gebroek van \u2019t netw\u00e8rk van al die minse<\/em>.” Meh heer bedink ziech ouch wat veur organisaties tot heer nog neet bereik, wee kint heer nog mie bij \u2019t Hoes betr\u00e8kke. En vaan alle partije die heer tot noe touw getroffe heet, krijg heer alle m\u00e8tw\u00e8rking.<\/p>\n M\u00e8t \u2019t Huis voor de Kunsten zit heer es verbinder oonder ei daak en dat maak \u2019t veur h\u00e4\u00f6m gemekelek um tr\u00f6k te valle op \u2019n deil collega\u2019s die ziech binne \u2019t Huis m\u00e8t taol bezeg hawwe. Wekeleks zit heer bij \u2019t euverl\u00e8gk vaan \u2019t Taalteam en daan koume ouch hiel praktische zake aon de orde zoewie de formulering vaan \u2019nen teks of \u2019t doorgeve vaan \u2019nen t\u00e8llefoonn\u00f3mmer. Meh ouch \u2019t veurbespreke vaan aofspraoke die Rob heet m\u00e8t instanties of persoene boe \u2019t Huis voor de Kunsten al langer m\u00e8t optrek. En daonao kint heer ouch tr\u00f6kkoppele wat heer gehuurd heet of te wete is gekoume. Dat maak \u2019t w\u00e8rke e st\u00f6k gemekeleker. Want es verbinder vraog heer ziech nao zoe euverl\u00e8gk altied aof: wat is de vraog en wie kin iech die koppele aon ander kontakte die iech gehad h\u00f6b. Ouch es die kontakte boete \u2019t taolveld ligke want me kint v\u00e4\u00f6l vaan ein liere en \u2019t geit drum alle neuze dezelfde kant oet te kriege.<\/p>\n Zie beeld vaan Veldeke is door zie werk es verbinder wel veranderd. Heer had iers d\u2019n indr\u00f6k tot Veldeke veural bestoont oet \u2019n aontal eilendsjes die op lokaal nivo allemaol veural bezeg waore m\u00e8t hun eige dialek. Veur \u2019n deil is dat netuurlek ouch zoe meh Rob is ouch drachter gekoume tot dao nog v\u00e4\u00f6l mie geb\u00e4\u00f6rt en tot de rol vaan \u2019t provinciaol bestuur bij \u2019t oetz\u00e8tte vaan de lijne en \u2019t numme vaan initiatieve belaankrieker is es heer aonvaankelek dach. Es veurbeeld neump heer d\u2019n Declamatiewedstrijd, boe heer m\u00e8t zien eige kinder aon heet deilgenome. En in \u2019t algemein is heer positief euver \u2019t v\u00e4\u00f6l werk wat door de vrijw\u00e8llegers vaan Veldeke verzat weurt, beveurbeeld bij \u2019t verz\u00f6rge vaan vertaolinge in \u2019t Limburgs. Dao krijg heer zelf ouch energie vaan.<\/p>\n In de Provincoal Staote is noe \u2019n beweging op gaank gekoume um te streive nao de erkinning vaan de Limburgse taol conform \u2019t Europees Handvest Deil III, zoe wie \u2019t Fries dee staotus al lang heet en recentelek ouch \u2019t Papiamento dee heet verkrege. Rob dink tot \u2019t verstendeg is um iers \u2019t Hoes veur \u2019t Limburgs ins good op de rails te kriege veurtot veer v\u00e4\u00f6l energie goon steke in die erkinning. \u201cAs ich zeen det weej op de achtergr\u00f3nk nag volop aan \u2018t tummere zien,ouch aan de bewuswording, de rechsvorm klaor kriege. \u2018t Fundament vur \u2019t Hoes is n\u00f3w \u2019t allerbelangriekste. Aevel sjt\u00e8l mich die vraog euver \u2019n jaor nag \u00e8ns en den dink ich det ich dao angers euver dink.\u201d<\/em><\/p>\n Rob waor wel positief verras euver de deilnaome aon \u2019t symposium wat l\u00e8s in \u2019t Provinciehoes gehawwe is. En daan veural euver \u2019t aontal deilnummers en de vari\u00ebteit aon organisaties die dao vertegenwoordeg waore. Heer heet dao daan ouch daankbaar gebruuk vaan gemaak um de lui achter al die organisaties persoenlek te liere kinne. En wat veural positief waor um te ervare waor, tot alle neuze dezelfde kant oetstoonte es \u2019t um de touwkoms vaan de Limburgse taol geit. \u2019t Leefs zouw Rob daan ouch zien tot dat symposium e vervolg krijg door \u2019n aontal thema\u2019s wijer oet te w\u00e8rke, zoewie de taol in de z\u00f6rg, in \u2019t oonderwies ezw. Dao moot in eder geval e vervolg aon gegeve weure; meh, zoe zeet heer, \u00a0veurluipeg h\u00f6bbe veer noe wel \u2019n ijkpunt.<\/p>\n \u2019t Hoes veur \u2019t Limburgs krijg laankzaamaon gestalte. De besprekinge euver de organisatiestructuur wieze noe hiel dudelek in de riechting vaan \u2019n co\u00f6peratie, \u2019ne werkgr\u00f3p is bezeg de statute daoveur te oontwerpe, de verhuizing nao \u2019t Weerstandgebouw in Remund steit gepland veur mei vaan dit jaor, de website vaan \u2019t Hoes is recentelek live gegaange en dao koume nao \u2019t z\u00e8gke vaan Rob hiel positief reacties op binne, en binnekort zal de introductiecampagne veur e breid publiek vaan start goon. Rob zuut in de website en de social media ouch meugelekhede um dudelek te make boe-oet zie werk es verbinder noe zjus besteit. Heer kint dao aongeve boe heer gewees is, m\u00e8t wee heer kontak heet gehad en wat dat heet opgelieverd. Heer geit ouch blogs make um ziechzelf en ander lui oet \u2019t veld te prizzentere aon ederein dee dao ge\u00efntr\u00e8sseerd in is. Want noe wete zien collega\u2019s bij \u2019t Huis voor de Kunste wel wat heer allemaol deit, meh dat moot ouch bekind weure gemaak aon de boetewereld. En dat gelt ouch veur m\u00e8t wee heer kontakte heet, boebij ummertouw veurop steit tot wat heer dao-euver vert\u00e8lt bij ederein tot de bewusweuring moot leie vaan wat \u2019t belaank en de meugelekhede vaan de Limburgse taol zien.<\/p>\nThoes bij \u00b4t Huis voor de Kunsten<\/h3>\n
Beeld vaan Veldeke<\/h3>\n
Erkinning Europees Handvest Deil III<\/h3>\n
Hoes veur \u2019t Limburgs krijg gestalte<\/h3>\n