Me kan zich baeter zelf betrappe es betrap waere. Det euverkeem mich vurge maondj. Seer september sjtaon op de site van Veldeke, hiej dus, aafleveringe van mien serie Lidioom. Ich h\u00f6b \u2018t veural euver bezunjer Limburgse w\u00e4\u00f6rd. Dan m\u00f3t me zich iers aafvraoge: waat zien Limburgse w\u00e4\u00f6rd? Inins veel mich op det ich twie of drei aafleveringe hauw gemaak (veurraod) euver w\u00e4\u00f6rd die neet besjtaon. Kl\u00f6ppel ich: Lidioom geit euver de prach en krach van Oos Taal. Ich haop det sjrievers dao get van opsjtaeke, (weer) bevlaoge waere, entezjas mesjiens, baeter gaon sjrieve, en dan z\u00f3l ich h\u00e4\u00f6r lestig valle mit w\u00e4\u00f6rd die neet besjtaon?<\/p>\n
Nou ja, neet besjtaon: waat is det? Get wie zjwoemp<\/strong> zal waal n\u00f6rges veurk\u00f3mme. Allei: \u2018t sjteit hiej, mae wie waat woveur? T\u00f6sse h\u00e4\u00f6kskes: \u00a0zjwoemp kan Limburgs zien, gezeen die ZJ-, den de v. Dale haet nieks t\u00f6sse zizelmarmot en Z-kaart, dus\u2026\u2019t Waord parg<\/strong> aevel, woveur z\u00f3l det Limburgs zien? Noets van geheurd? Daoveur sjrief ich \u2019t hiej nag ins dudelik: PARG. Ich b\u00f6n van Neel (Maasniel) en op de grens van Neel mit Maolbrook en Azerao(j) ligk de Sjpik: twie hampele hoezer, en dao woor parg ei geweun waord. Wen \u2019t prachtig waer woor veur de boere, dan kl\u00f3nk dao d\u00f6k: al parg allewiel<\/strong><\/em>, neet? Keigaaf zoegezag.<\/p>\n Ich h\u00f6b det parg ins in de gezet gehad, in de Letterbak, ich weit \u2019t neet mie, mit de vraog of nag mier luuj parg<\/strong> gebroekde. Paar daag later al meljde me mich oet Melderslo det dao parg \u00f3ngevier \u2019t taengegesjtelde van \u2018prachtig\u2019 beteikendje: erm, sjtraoterm. Kan good: de Piel is neet de waeljerigste sjtreek van Nederlandj. De belster wees nag op \u2019t Franse waord veur \u2018erm\u2019, pauvre \u2013 det liek mich gez\u00f3ch.\u00a0Ein twiede meining woor: parg<\/strong> z\u00f3l ein kreftige verk\u00f3rting zien van \u2018parochie\u2019: par en dan ein r\u00f3chel-G. \u2019t Woor aevel gei waord veur perochie, mae eine man dae de perochie mit h\u00f3lp veuroet te k\u00f3mme, eine kirkmeister.<\/p>\n