\u2019T is atwier e paar j\u00f6\u00e4rsjer he\u00ebr dat Veldeke \u201cUm Mamelis\u201d, noa e tsietsje \u201cal sjloffender\u201d besjtange tse ha, nuij le\u00ebve woat i-jebloaze. D\u2019r krink is zoejaar nit mie\u00eb d\u2019r kl\u00e8ngste onger de Veldekekringe en hat nevver \u2019n sjtiejende antsaal mitjlieder \u2018ne truije ahaank a deelnemmer an de aktivitete die we\u00ebrend \u2019t joar orjaniziert we\u00ebde.<\/p>\n
In \u2019t kl\u014dster va Wittem we\u00ebde vuur \u014dp mietwochmorje d\u2019r 6e febrewaar hatsliesj empfange d\u00f6rsj d\u2019r veursjtand ((Jo Kern, waarnemmend veurzitsender, Leny Souren, sekret\u00e4r, Miets Schepers, penningmeester, Christel Kern, vietse-veurzitsender, Mia Hounjet, oad-veurzitsender en Jef Brouwers. D\u2019r Jef is tswar offitsijel jee veursjtandsmitjlied, m\u00e8 waal zier wiesjtiesj veur d\u2019r krink. He\u00eb verz\u00f6rsjt de furoenge in \u2019t kl\u014dster en hat e jroe\u00ebs netwerk, dat is veur \u2019t roonk krieje van de projrammas.<\/p>\n
We\u00ebrend vuur ongertusje an d\u2019r kaffie mit vlaam zitse, v\u00e8ngt d\u2019r Jo aa tse vertselle; \u201cD\u2019r krink \u201cUm Mamelis\u201d besjleet e relatief jroe\u00ebs jebied, hat tsemliesj v\u00f6al d\u00f6rper (onger angere Vols, Viele, Nieswieler, Waalwieler, Julpe-Wittem, Boches, Zumpelv\u00e8ld, I\u00ebpe, \u00e8tzetera) en die hant oeserdeem allemoal h\u00f6n eije dial\u00e8kt. De mitjlieder van d\u2019r krink zunt \u014dch tsemliesj verdeeld \u00f6vver \u2019t jebied\u201d. He\u00eb vertselt dat de Veldeke-ovvende druk bezoe\u00ebt we\u00ebde en dat de luu tswar nit allemoal mitjlied zunt, m\u00e8 waal zier interessiert in de aktivitete die d\u2019r krink \u201cUm Mamelis\u201d orjaniziert. Sjt\u00e8rke zie\u00eb van d\u2019r krink zunt de sj\u00f6n lokasie, de kl\u014dsterbiblioteek, woa \u2019t jemuutliesj zitse is en d\u2019r sj\u00f6nne Gerarduszaal, woa me ziesj veur en noa op e kl\u014dsterbiersje, j\u00e8t frisj of \u2019n tas kaffie tr\u00e8ffe ken, en j\u00e8ddes joar d\u2019r \u2019sjt\u00e8rke projram. At e paar joar w\u00e8rkt d\u2019r krink \u00f6vver \u2018ne jewisse format, mit vaste herkenbaar projrampoenkte, woabeej \u014dch jenujend plaatsj is \u00f6m flexibel i tse v\u00f6lle. Zoe sjteet, nevver de dial\u00e8ktovvende tswei moal \u2019t joar, \u014dch d\u2019r literair-koeltoer\u00e8l-kulinaire sjpatsierjank d\u00f6rsj \u2019t Heuvelland avaank oktober \u014dp d\u2019r projram. D\u2019r sjpatsierjank we\u00ebdt i-jevuld mit troubadourjezank, vertselsjer en veurdr\u00e4\u00e4sj en kl\u00e8ng lekkerbisse. Dizze sjpatsierjank, veur de ie\u00ebsjte moal 2016 als joebileum-sjpatsierjank, hat ziesj als \u2018ne erfolsj jetseesjt: zoe joonge v\u00f6rresj joar \u00f6vver 100 luu mit!<\/p>\n
In dizze dreejlender\u00e8k we\u00ebdt natuurliesj \u014dch \u00f6vver de jrens jekikke en tsezame mit de Belsje zie (Gemmenich\/Jummelesj, Aubel, Montzen) en de Duutsje zie (Oche) \u2018ne dial\u00e8ktovvend jev\u00f6ld. Kommend noajoar wilt d\u2019r krink de vluijele oessjloa en als tsweide toplokasie de \u201cKopermolen\u201d i Vols ongerdeel losse oesmache van de projrammieroeng., mit name veur euregionaal aktivitete veur je\u00efnter\u00e8ssierde oes d\u2019r Euregio.<\/p>\n
D\u2019r veurzitsender maacht daan \u2018ne kl\u00e8nge ziesjproonk noa \u2019t tsezame w\u00e8rke mit de lokaal heemkundevereine. Heej jift \u2018t \u2018ne m\u00e8rkbare ongersjeed mit anger kr\u00e8nge: de heemkundevereine komme \u00e8sj vanoes \u201c \u2019t d\u00f6rp\u201d (en dat zunt \u2018r veul hauwe vuur at versjtange). W\u00e8n \u2018ne heemkundekrink lokaal aktief we\u00ebdt, daan sjtarte ze d\u00f6ks dir\u00e8kt mit \u2019n relatief jroe\u00ebse antsaal mitjlieder. Als Veldekekrink sjaft me dat nit \u014dp d\u00f6rpsnivo en liet de heroesforderoeng veur allem in \u2019t tse sjtand br\u00e8nge va verbiendoeng. Zoe koam beej veurbild \u2019t booch \u201cOs moddersjproach\/Os moddersjpraok\u201d tse sjtand i tsezame w\u00e8rke mit de heemkundekr\u00e8nge. Nevver dis booch sjteet ongertusje \u2018n tsweide oesjaaf \u014dp de rol: \u2018ne weisjkalender mit sjprusj en zarenswies.<\/p>\n
\u201cIn dat tsezame w\u00e8rke m\u014ds me waal \u2019n kloar \u201csjiedslini\u00eb\u201d aabr\u00e8nge \u00f6m probleme tse v\u2019rkomme. Zoe lofet bis veur k\u014dtsem dat tsezame w\u00e8rke mit \u00e8nge heemkundekrink nit \u00f6mmer evve jlat. De heemkundekr\u00e8nge besj\u00e8ftieje ziesj\u00a0 beej veurbild \u014dch mit dial\u00e8kt (Veldeke woad daan i-jelade veur de veurdraachovvende). Doar\u014dp furete daan hese diskoes-joe\u00ebne \u00f6vver de sjriefwies d\u2019rtsouw dat Veldeke ziesj aaf en tsow misbroet veulet. Ongerwiel zunt doar\u00f6vver jouw aafsjpr\u00f6\u00e4sj jemaat woade en jeet \u2019t tsezame w\u00e8rke e sjtuk b\u00e8sser: w\u00e8n va heun veurdraachovvende we\u00ebde orjaniziert daan jeet dat onger d\u2019r naam van d\u2019r heemkundekrink \u00e9n Veldeke.<\/p>\n
Wie jeet d\u2019r krink \u201cUm Mamelis\u201d \u00f6m mit projrammiere? D\u2019r veurzitsender jift aa dat vuur wat dat ajeet aaf musse van \u2019t beeld dat dial\u00e8kt all\u00e8ng m\u00e8 loestiesj m\u014ds zie\u00eb en dat \u2019t \u00f6mmer \u00f6vver vruijer jeet. Dial\u00e8kt is veur veul mie\u00eb zache i tse z\u00e8tse. \u014cch veur serieus thema\u2019s, po\u00ebzie, literatoer en jezank. Diversiteet va dialekte m\u014ds tsentraal sjtoa en orjanizier zache die de joerend ken jevalle en b\u00e8nge. Projrammiere veur k\u00e8nger is zoewiezoe\u00eb wiesjtiesj. \u014cch \u00f6m e bies-je oes \u2019t jries en jrauw veurkomme eroes tse komme. Mit de k\u00e8nger van de basissjoe\u00eble we\u00ebdt dial\u00e8kt jeliert, jele\u00ebze en deklamiert. \u2019t We\u00ebde \u014dch j\u00e8ddes joar mit alle jroepe vastellovvendssjlajere jezonge. Repertoire is jen\u014dch doa. \u2019T Christel jift aa (en dat hant vuur beej aanger kr\u00e8nge \u014dch jehoe\u00ebt) dat lesprojramme \u00f6vver dialekt sjwoar tse plane zunt. De basissjoe\u00eble jevve aa dat ze at zoe veul \u014dp d\u2019r teller hant, dat ze m\u00e8 noch w\u00e8nnesj nuijts d\u2019rbeej k\u00f6nne haa. M\u00e8 w\u00e8n \u2019t daan floept, zoewie i Vols woa mie\u00eb wie 30 nationalitete \u014dp \u00e8ng sjoe\u00ebl zitse, daan is \u2019t e f\u00e8s \u00f6m tse zie\u00eb wie ze daan allemoal in \u2019t V\u00f6lser plat vastellovvendssjlajere z\u00e8nge.<\/p>\n
Vuur moele noch \u00e8ffe wier \u00f6vver nuij kr\u00e8nge en wiesse vl\u00e8kke i Veldekeland, \u00f6vver kanse en heroesforderoenge, \u00f6vver Sjiek 2019 (\u2018Lenie, \u2019t Miets en \u2018t Mia woare doa en ze hant \u2019t zoeper v\u014dnge), \u00f6vver social media (d\u2019r krink zouw jeer aktiever wille we\u00ebde \u014dp social media en me is \u014dp zuk noa \u00e8nge de\u00eb heun doabeej \u2019n hank zouw k\u00f6nne h\u00e8lpe), \u00f6vver kontrol \u014dp d\u2019r veursjtand en m\u00f6sjliesjkete \u00f6m ee en aanger wat d\u2019r veursjtand betruft i tse risjte (d\u2019r Ron jift in dis kader nevvebeej noch mit doch e moal \u2019n Aljem\u00e8ng MitjliederVerzammeloeng tse hauwe), \u00f6vver de \u201cheisessie\u201d van d\u2019r 4e jannewaar (d\u2019r krink is positief \u00f6vver idee\u00eb va boesse, m\u00e8 \u014dch \u2019t h\u00e8n en heer \u00f6vverleije mit aanger kr\u00e8nge), \u00f6vver \u2019t proj\u00e8kt \u201cVeurlaesbeukske\u201d (d\u2019r krink hat zoe zieng bed\u00e8nke weil de dial\u00e8kte tse zier lokaal jebonge zunt) en \u00f6vver \u2019t sjpreisje in \u2019t aljem\u00e8ng \u00f6vver \u2019t vereinsle\u00ebve. D\u2019r veurzitsender is va meinoeng dat de diskoesijoe\u00ebn \u00f6vver de we\u00ebd van \u2019t vereinsle\u00ebve, dat wat droot, m\u00e8 ooch nuij entwiekloenge, jefuurt m\u014ds we\u00ebde vanoes \u2018ne positieve ivals\u00e8k. Alzo nit dat vereine jee besjtoansre\u00ebt mie hant, m\u00e8 dat vereine langs d\u2019r weisj va proj\u00e8kte aktivitete musse joa projrammiere woa luu ziesj mit verbonge veule. Als veurbild neumt he\u00eb de Stichting Vuur i Vols, die ziesj izetst veur de joerend en ziesj sjt\u00e8rk maat veur de kwaliteet va le\u00ebve, woane en rekrejiere in dis regio.<\/p>\n
E projram-ongerdeel dat noch nit j\u014dt jen\u014dch va j\u2019n e\u00ebd kunt is \u2019t proj\u00e8kt \u201cSjtroasename\u201d. D\u2019r b\u00f6rjemeester hat tswar aajejovve positief teijen\u00f6vver \u2019t idee tse sjtoa m\u00e8 wil doch de entwiekloenge beej de provins oop \u2019t jebied va de sjproach van de regio \u00e8ffe aafwade. Vuur sjtunt \u00e8ffe j\u00e8t langer d\u2019rbeej sjt\u00e8l en de idee \u00f6m tse bezie\u00eb \u00f6m \u2019t proj\u00e8kt \u00f6vver de jrenze h\u00e8n (mit Oche) \u014dp tse pakke, we\u00ebdt positief bejrust. Vuur sjpreisje aaf dat vuur mie\u00eb \u00f6vver \u2019t proj\u00e8kt informiert we\u00ebde, daan d\u2019r provintsiale veursjtand beej moele en \u2019t daan wier \u014dppakke mit \u2019t Huis voor de Kunsten.<\/p>\n
Als l\u00e8tste wil d\u2019r veurzitsender noch vertselle \u00f6vver d\u2019r cursus \u201cSjriefwies\u201d. Aajevange mit sjpas en erfolsj mit \u2018ne 6-delije cursus \u014dnger leitoeng van d\u2019r Lei Heijenrath. In dizze krink is dat veur veul luu sjwoar in d\u2019r kalender i tse pase vaweije de tse jroe\u00ebse investieroeng i tsiet, zoedat noch m\u00e8 w\u00e8nnesj animo veurhande is. In de planoeng is noen \u2019t bew\u00e8rke van d\u2019r sjtoomcursus Zittesj, \u2018ne kons\u00e8pt de\u00eb ziesj at bewe\u00ebze hat. \u014cch lit \u201cUm Mamelis\u201d ziesj insjpiriere d\u00f6rsj aktivitete va anger kr\u00e8nge. Mit name van \u2019t oes-jesjre\u00ebve \u00f6vverzisj va alle aktivitete beej de ALV ken me \u2019t ee en anger aafkieke.<\/p>\n
W\u00e8n vuur tseruk noa Beek vare, sjpreisje vuur noch \u00e8ffe wier \u00f6vver dizze krink en hunne veursjtand. De transpar\u00e8ns, \u2018t oufe sjtoa \u00f6m tse verendere en d\u2019r drang tse verb\u00e8nge is veur \u014ds wier \u2019n besjtetiejoeng dat vuur \u014dp d\u2019r jouwe weisj zunt. H\u00e8l\u014dp dreumend \u00f6vver Veldeke i 2026.<\/p>\n
Christine van Basten-Boddin en Ron de Louw,
\nveurzitsende en sekret\u00e4r Veldeke Limburg<\/p>\n","protected":false},"excerpt":{"rendered":"
\u2019T is atwier e paar j\u00f6\u00e4rsjer he\u00ebr dat Veldeke \u201cUm Mamelis\u201d, noa e tsietsje \u201cal sjloffender\u201d besjtange tse ha, nuij le\u00ebve woat i-jebloaze. D\u2019r krink is zoejaar nit mie\u00eb d\u2019r kl\u00e8ngste onger de Veldekekringe en hat nevver \u2019n sjtiejende antsaal mitjlieder \u2018ne truije ahaank a deelnemmer an de aktivitete die we\u00ebrend \u2019t joar orjaniziert we\u00ebde. […]<\/p>\n","protected":false},"author":5,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[40,39],"tags":[],"class_list":["post-11528","post","type-post","status-publish","format-standard","hentry","category-veldeke-kring","category-veldeke-limburg-lb"],"acf":[],"yoast_head":"\n