Oppe valreep vuu\u00ebrdet de zoe\u00ebmerverk\u00e2ntie van v\u00f6l Limburgers begintj, br\u00eenge vae e bezeuk aanne kr\u00eenk Veldeke Wie\u00ebrt. \u2019t Programma \u00e9s os doe\u00ebr de sikkretaris van te vuu\u00ebre towgesteurdj, dus ve wie\u00ebte precies waat os te wachte stie\u00ebt. Vanaaf \u2019t stadho\u00eas make ve e klein rondje doe\u00ebr \u2019t centrum woe\u00ebbeej ve doe\u00ebr de bestuurslede (vuu\u00ebrzitter Jan Feijen, sikkretaris Jan Moonen, penningme\u00eester Lee Timermans en bestuurslid Nelly Haenen-vanden Berg) waere geattendie\u00ebrdj op \u2019n aantal prachtige p\u00e2nde woe\u00eb e typisch Wie\u00ebrts verhaol achter scho\u00eal gie\u00ebt.<\/p>\n
Zoe\u00eb passie\u00ebre ve Bistro De Umbelder, e prachtig p\u00e2nd naeve de indr\u00f6kw\u00e9kkendje Martinusk\u00eark, woe\u00eb op \u2019t v\u00f4l terras minse heerlik zitte te gene\u00eate inne zon. Jan Feijen wiesj os oppe broene paerdekop dae aanne gaevel hingtj. De naamsver\u00e2ngering van \u2018Eetkamer het Bruine Paard\u2019 nao \u2018Bistro de Umbelder\u2019 v\u00eenge v\u00f6l Wie\u00ebrtenaere echt hie\u00ebl jaomer. Het Bruine Paard, de ho\u00easkamer van Wie\u00ebrt, herneume \u00e9s v\u00f6r Wie\u00ebrt waat\u00a0 v\u00f6r Maastreecht \u2018nen \u00e2ngere naam v\u00f6r \u2018Caf\u00e9 In Den Ouden Vogelstruys\u2019 zoe\u00ebj bete\u00eekene.<\/p>\n
De kr\u00eenk Wie\u00ebrt \u00e9s opgerichtj in 1978 en as bie\u00ebldjm\u00eark \u00e9s toen gekoe\u00ebze v\u00f6r \u2018D\u2019n Umbelder\u2019, de l\u00e9ste stadsomreuper van Wie\u00ebrt. Det waas hie\u00ebl v\u00f6r de h\u00e2nd ligkendj want Veldeke wiltj noow neet drek \u2019t noets br\u00eenge mer zie\u00ebker waal \u2019t dialect uutdrage nao \u2019t v\u00f4lk.\u00a0\u2019t Bie\u00ebldje van d\u2019n Umbelder (op ware gruu\u00ebdje) stie\u00ebt beej de Martinusk\u00eark en dao make ve nog gaw effe \u2018n foto van os same. Tie\u00ebgenoe\u00ebver \u2019t bie\u00ebldje ligktj \u2019t monumentaal p\u00e2nd van De Soos. Neet allein Soci\u00ebteit Amicitia 1842 hie\u00ebt heej eur home, ouch v\u00f6l activiteite vanne kr\u00eenk Wie\u00ebrt waere heej gehaoje. Allein vandaag effe neet. Ve stoppe effe v\u00f6r \u2019n tas koffie en e st\u00f6k echte Wie\u00ebrter vlaaj beej Grand kefee Weerter Bazaar. Weer e prachtig p\u00e2nd aanne Aoje M\u00earrentj woe\u00eb jaomer gen\u00f3g v\u00f6l vanne originie\u00ebl ornam\u00eante vanne gaevel zeen verdwie\u00ebne, mer woe\u00eb de originie\u00eble naam gel\u00f6kkig weer boe\u00ebve de duu\u00ebr pr\u00f4nktj.<\/p>\n
De activiteite vanne kr\u00eenk Wie\u00ebrt betreffe in \u2018ne noe\u00ebtedop \u2019t organizie\u00ebre vanne Jaorvergadering m\u00e9t e l\u00f6chtig beejprogramma, de regionaal finale vanne Declamatiew\u00e9d-stri\u00ead (h\u00e9t contact nao de schoe\u00eble en wichter), \u2019t verz\u00f6rge van cursusse Laeze en Schri\u00eave en cultureel excursies. \u2019t Jaor weurtj alti\u00ead aafgesloe\u00ebte m\u00e9t \u2018ne alti\u00ead gezellige en dr\u00f6k bezochdje muzikale brunch \u2018Preuve\u2019.<\/p>\n
Al gaw kaome ve te kalle oe\u00ebver \u2019n aantal \u00e2nger ongerw\u00earpe zoe\u00eb as de samew\u00earking m\u00e9t \u00e2nger cultureel vere\u00eeniginge. Zoe\u00eb zeen d\u2019r prima contacte m\u00e9t b.v. stadsvastelaovendj-vere\u00eeneging De Rogstaekers (d\u2019r stie\u00ebt trouwens e sjiek Rogstaekersmonem\u00eant vuu\u00ebr De Soos!). E schoe\u00ebn vuu\u00ebrbie\u00ebldj van di-j gooj samew\u00earking \u00e9s \u2019t digitalizie\u00ebre vanne aodste serie Tr\u00fbmperkes, \u2019t ledebla\u00e2d det twie\u00eb kie\u00ebr per jaor uutkeumtj. Ouch de samew\u00earking m\u00e9t De Aldenborgh (LGOG) en de regionaal heemkundevere\u00eeniginge verluiptj prima.<\/p>\n
De kr\u00eenk ving \u2019t spi\u00eatig det de Veldeke Literatuurpri\u00eas, dae in 1982 in Wie\u00ebrt ziene oe\u00ebrsprong haaj, neet mie\u00ebr bestie\u00ebt. Ze misse e lie\u00ebgdrempelig platform det \u2019t schri\u00eave in dialect stimelie\u00ebrtj en waardie\u00ebrtj. D\u2019r bestie\u00ebt volges \u2019t bestuur zoe\u00ebwi-jzoe\u00eb v\u00f6l te weinig aandacht v\u00f6r de Limburgse literatuur en \u2018t (regionaal) geschrie\u00ebve dialect in \u2019t algemein. Vae gaeve aan det \u2019t Provinciaal Bestuur det geveul deiltj en det \u2019n now kemissie Literatuur in oprichting \u00e9s. V\u00f6r waat betreftj \u2018ne Literatuurpri\u00eas gaeve vae aan det det ongerdael zow motte zeen van \u2019n brei-jer discussie oe\u00ebver pri\u00eaze inne culturele erfgoodsector en literatuursector.<\/p>\n
Vae gaeve \u2019t bestuur nog mej um ouch wat brei-jer te kieke nao e platform v\u00f6r schri\u00eavers vanne Wie\u00ebrter dialecte. As reactie wiesj \u2019t kringbestuur op de actieve en enthousiaste Schri\u00eaverskr\u00eenk Wie\u00ebrter L\u00e2nd dae dit ga\u00e2t gooddaels inv\u00f6ltj. Meschien zeen d\u2019r aanknoupingsp\u00fbnte te v\u00eenge beej de lokale kabelkr\u00e2nt Weert de Gekste. Die\u00ebs website weurtj intensief bekie\u00ebke mer hie\u00ebt gein vaste columniste. Meschien ruumdje v\u00f6r \u2018ne Veldeke-columnist?<\/p>\n
Ouch waere de gooj kontakte m\u00e9t \u2019t lokaal gemeindjebestuur en in \u2019t bez\u00fbndjer m\u00e9t de w\u00e9thaojer van Cultuur Geert Gabri\u00ebls geroemdj. Det \u00e9s fein um te huu\u00ebre want streektaal stie\u00ebt lang neet beej alle Limburgse gemeindjes oppe agenda. Ve bespraeke nog e paar ideeje v\u00f6r \u2019t verst\u00earke van di-j relatie, zoe\u00eb as twie\u00ebtalige gemeindjelike noetsbreeve.<\/p>\n
Vae constatie\u00ebre detter in \u2019t bestuur \u2019n enorm schat aan ervaring zitj. Me hie\u00ebt e good bie\u00ebldj van waat aanslie\u00ebtj en waat neet. Zoe\u00eb hebbe ze al lang gelie\u00ebje besloe\u00ebte um te w\u00earke m\u00e9t e kernbestuur m\u00e9t daenaeve kemissies en w\u00earkgroepe di-j v\u00f6l vreejheid kri\u00eage beej \u2019t ontwikkele en uutveure van projecte (b.v. de Declamatiew\u00e9dstri\u00ead). De basisgedachte spriktj os \u00earg aan en de kr\u00eenk bevestigtj \u2019t bie\u00ebldj det ouch \u2019t provinciaal bestuur zich nao \u2019n gooj discussie oe\u00ebver eur (kern)take mot bezinne oppe inrichting van eur organisatie.<\/p>\n
Naodet de penningme\u00eester hie\u00ebt aafgeraekendj, verv\u00f4lge ve oe\u00ebs stadswandeling en gaon wieter richting \u2019t indjp\u00fbnt: kefee Tramhalt, e bro\u00ean kefee det sinds 1905 h\u00e9t trefp\u00fbnt \u00e9s van Wie\u00ebrt en umstreke en h\u00e9t stamkefee van v\u00f6l Wie\u00ebrter vere\u00eeniginge. Ongerh\u00e2nd det de dr\u00eankskes geservie\u00ebrdj waere, gaon ve wieter m\u00e9t ongerw\u00earpe as bestuurskracht, verjonging, lede versus begunstigers, enz.<\/p>\n
\u2019t Wie\u00ebrter bestuur ongerkintj det de kracht van \u2019t huidige bestuur \u2019t gevaor van zwaakdje op termi\u00ean \u00e9s, want noow zeen ze nog in staot um de zake woe\u00ebv\u00f6r ze gaon en staon zelf op te pakke mer de bestuurslede zeen toch al fl\u00eenk op laefti\u00ead en verjonging \u00e9s meujlik te realizie\u00ebre. Daobeej spuu\u00ebltj nog det de bestuurslede mote hebbe um zake los te laote en detter hoe\u00ebg eise waere gest\u00e9ldj aan kandidaat-bestuurslede. Aangegaeve weurtj detj m\u00e9t name meujlik \u00e9s um minse van middelbare laefti\u00ead te interessie\u00ebre, woe\u00eb op Christine oppertj detter ie\u00ebrst de vraog gest\u00e9ldj mot waere waat v\u00f6r dae doelgroep interess\u00e2nt \u00e9s woe\u00ebnao van dao uut aan e programma gew\u00earktj k\u00e2n waere.<\/p>\n
Umdet penningme\u00eester Lee Timmermans en ongergete\u00eekendje nog aovendjverplichtinge hebbe motte ve roond 17.30 oor jaomer gen\u00f3g \u2019n indj make aan dit w\u00earkbezeuk, mer waal oonger de towz\u00e9gging det ve dao zie\u00ebker e vervolg aan zulle gaeve.<\/p>\n
Juli 2019 Oppe valreep vuu\u00ebrdet de zoe\u00ebmerverk\u00e2ntie van v\u00f6l Limburgers begintj, br\u00eenge vae e bezeuk aanne kr\u00eenk Veldeke Wie\u00ebrt. \u2019t Programma \u00e9s os doe\u00ebr de sikkretaris van te vuu\u00ebre towgesteurdj, dus ve wie\u00ebte precies waat os te wachte stie\u00ebt. Vanaaf \u2019t stadho\u00eas make ve e klein rondje doe\u00ebr \u2019t centrum woe\u00ebbeej ve doe\u00ebr de bestuurslede (vuu\u00ebrzitter Jan […]<\/p>\n","protected":false},"author":5,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[40],"tags":[],"class_list":["post-13395","post","type-post","status-publish","format-standard","hentry","category-veldeke-kring"],"acf":[],"yoast_head":"\n
\n<\/em>Christine van Basten-Boddin en Ron de Louw<\/em>
\nVuu\u00ebrzitter en sikkretaris van Veldeke Limburg<\/em><\/p>\n","protected":false},"excerpt":{"rendered":"