Wae neit bereid is c\u00f3ncessies te doon, wurt nooitsj eeuwigdoerend gel\u00f6kkig in de leifde, zov\u00e4\u00f6l is zeker. Aangezeen ich al ein jaor of neuge ruum getrakteierd waer op muulkes van ein en dezelfde, durf ich van michzelf te z\u00e8gke dat ich c\u00f3ncessies naojaag, esof ze in sjtaot zeen mich te redde van de volk\u00f3mme \u00f3ngergank, en in zekere zin is dat ouch zo. Mer: al die tegemoetk\u00f3mminge hawte \u00e8ns op. D’r is eine grens aan waat ich wil doon veur d’n Angere, wiezeer ich h\u00e4\u00f6r ouch aanbae.<\/p>\n
‘Zulle veer m\u00f6rge nog \u00e8ns nao ‘t Gaiapark gaon ?’ vroug ze op eine late vriedigaovend, en in mien b\u00e8nnesjte koum ein dusdanige hyperactieve galproductie op gank dat ich ‘t saap van de laever koosj pruive. In ‘t verlede b\u00e8n ich same mit mien muulkesmesjien namelik z\u00f3 d\u00e8ks nao Kirkrao gereis \u00f3m bew\u00f3njerende krete oet te sjlaon bie ‘t bezichtige van allerlei behaorde m\u00f3rmels, dat dat ge-aoh en ge-aah mich beheurlik de sjtraots oeth\u00f3ng. ‘Nae’, zag ich daor\u00f3m en versjoof e k\u00f6sse op de bank, ‘dat houf waat mich betruf neit n\u00f3g eine keer. Doe zuls zeen: doe sjteis drie kwarteier bew\u00f3njerend nao eine roje panda te w\u00e8nke, en ich zit op ein bank te wachte tot de welt wiejer dreet. Nei, ich gaon lever get angesj doon’.<\/p>\n
Ze keek mich aan. Ich dach: die ouge vraete mich op, mit hoed en haor. Mesjien laote ze nog get kn\u00e4\u00f6kskes euver, mer veur de res waer ich gans versjl\u00f3nje. D’r koum gein antjwoord. D’r bleef mich neit v\u00e4\u00f6l angesj euver es de toch nao baove, wo ich op b\u00e8d vrie vlot in sjlaop veil.<\/p>\n
Zo wie dat ummer mer weier geit, brouk ouch daonao eine nuje daag aan. ‘Gouwe m\u00f6rge’, kreunde ich wie ich zoug dat mien vriendin naeve mich ein bouk lous. D’r koum weier gein antjwoord, de kawwe oorlog ging wiejer. ‘Gouwe m\u00f6rge’, zag ich n\u00f3g \u00e8ns. Sjto\u00efcijns sjloug ze ein bladzie \u00f3m. De knisperende klank van ‘t papier waar ‘t \u00e8nnigste geluud dat ze leit heure. Ich v\u00f6lde mien l\u00f3nge en leit de l\u00f3ch d’r mit eine lankger\u00e8kde zuch oetsjtruime. Ich koosj mer ein d\u00e8nk d\u00e8nke: wae neit bereid is c\u00f3ncessies te doon, wurt nooitsj eeuwigdoerend gel\u00f6kkig in de leifde. ‘Z\u00e8k’, zag ich mit de neudige veurzichtigheid, ‘Waat tunks dich d’rvan \u00f3m vandaag bie de roje panda op bezuik te gaon ? Volges mich vindj dae ‘t fejn dat d’r emes op h\u00e4\u00f6m w\u00e8nk’. Dramatisch lankzaam drede ze h\u00e4\u00f6re blik in mien richting. Ze leit mich in sjpanning, en ich w\u00f3s dat ze dat mit opz\u00e8t deig. Boete moosj ich, boete veur mien zelfzuch.<\/p>\n
‘Gaer’, antjwoordde ze in\u00e8ns gans p\u00f3pperl\u00f3stig, en de aanblik van h\u00e4\u00f6r sjtraolende ochtendouge maakde mee goud es besjadig waar.<\/p>\n
Door Phil Schaeken vanoet ‘t Holles euvergezat in ‘t Zittesj<\/em><\/p>\n","protected":false},"excerpt":{"rendered":" Wae neit bereid is c\u00f3ncessies te doon, wurt nooitsj eeuwigdoerend gel\u00f6kkig in de leifde, zov\u00e4\u00f6l is zeker. Aangezeen ich al ein jaor of neuge ruum getrakteierd waer op muulkes van ein en dezelfde, durf ich van michzelf te z\u00e8gke dat ich c\u00f3ncessies naojaag, esof ze in sjtaot zeen mich te redde van de volk\u00f3mme \u00f3ngergank, […]<\/p>\n","protected":false},"author":5,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[36],"tags":[],"class_list":["post-14061","post","type-post","status-publish","format-standard","hentry","category-limburg-algemein"],"acf":[],"yoast_head":"\n