Veer h\u00f6bbe al oetveureg beriech euver de commotie die oontstande is nao aonleiing vaan \u2019t oonderzeuk vaan de Taalunie euver de Staat van het Nederlands, boe-in veur \u2019t Limburgs gein plaots waor ingeruimp. Noe is de actie vaan Leonie Cornips en ander Limburgers bij iemes vaan \u2019t Meertens Instituut in \u2019t verkierde keelgaat gesjote. Dee iemes is Frans Hinskens, de co\u00f6rdinator vaan \u2019t oondert\u00f6sse ber\u00f6chde oonderzeuk. Heer sjrijf noe \u2018nen ope breef aon Leonie Cornips (collega bij \u2018t Meertens Instituut) dee vol steit vaan sjampsjeut en verwiete. Veer w\u00e8lle us gaaroet neet bemeuje m\u00e8t \u2019t gevreigel euver wee wat ieder had kinne wete en of de steekproof wel of neet good getrokke is; dat zeuke de professore aon \u2019t Meertens Instituut oonderein mer oet. Meh menier Hinskens geit in zien reactie ouch te kier tege \u2019t feit tot veer perbere \u2018t Limburgs te behawwe en te bevordere. Allemaol oonzin volgens h\u00e4\u00f6m. Jummers, sjrijf heer:<\/p>\n
\u201cDe waarheid is dat de Limburgse dialecten, evenals al die andere dialecten van het Nederlands en van de meeste moderne Europese talen, in onbruik raken als gevolg van enerzijds een complex van maatschappelijke ontwikkelingen (onderwijs, vervoer, telefoon, moderne media, schaalvergroting op allerlei gebieden, globalisering en ga maar door) en anderzijds het feit dat de dialecten door hoe langer hoe minder ouders worden doorgegeven aan hun kinderen; men meent namelijk dat dialect weinig of geen aanzien heeft en dat de taal van het onderwijs en het maatschappelijke succes nu eenmaal de standaardtaal is. Voor Zuid-Limburg komen daar de veranderingen in de bevolkingsopbouw (migratie uit andere delen van het land en uit diverse andere landen) bij die een gevolg waren van de snelle industrialisatie van de steenkolenmijnbouw. It\u2019s the economy, stupid!\u201d<\/em><\/p>\n Daank uuch! Vaan de Taalunie en \u2019t Meertens Instituut mote veer \u2019t dus neet h\u00f6bbe es veer eus dialek w\u00e8lle behawwe. Alles wat hei bove weurt aongehaold zien noe zjus de lestege umstandeghede boebinne veer perbere um de Limburgse taol euvereind te hawwe. En dat doen veer umtot veer de wierde erkinne vaan \u2019n taol die kort bij de lui steit, die anders is es de taol vaan de euverheid en \u2019t oonderwies umtot ze oet \u2019t hart kump en neet oet e l\u00e8sbeukske of \u2019n ambtelek documint. En tot dat dialek wieneg aonzeen heet is de groetsten oonzin. Anders es in Amsterdam of Rotterdam of Den Haag, boe plat medein volks en ordinair is, spreke veer in Limburg eus dialek vaan hoeg tot liech, vaan d\u2019n drekmaan tot de b\u00f6rgemeister. En dat heet inderdaod m\u00e8t identiteit te make, m\u00e8t e st\u00f6kske eigeheid tegeneuver de Randstad en de res vaan de wereld. Its the emotion, stupid!!<\/p>\n Meh dat w\u00e8t menier Hinskens ouch wel allemaol. Heer kump naomelek zelf oet Waubach. Zoe kinne veer ze weer, de Limburgers die zoe gaw ze in Amsterdam woene, meine us de l\u00e8s te mote leze.<\/p>\n