Taolhistoricus Michiel de Vaan heel recentelek de derde Lou Spronck-lezing euver de geboorte en d\u2019n doed vaan \u2019t Mestreechs. Vaanwege corona waor die lezing allein via intern\u00e8t te bekieke en beluustere. \u2019t Veurdeil is daan weer tot wee dat w\u00e8lt noe ouch op e later tiedstip de lezing nog ins kint volge. En dat is de meujte weerd. Michiel de Vaan w\u00e8t op \u2019n begriepeleke meneer taol-wetensjappeleke inziechte veur leke te verklaore.<\/p>\n
Euver de geboorte vaan \u2019t Mestreechs v\u00e8lt mie te vert\u00e8lle es euver d\u2019n doed. Want vaan dat l\u00e8ste is pas spraoke es de l\u00e8ste spreker daovaan de piep oet is. En zelfs daan kint me de spore vaan \u2019t Mestreechs nog naogoon in alles wat dao-euver gesjreve en gezoonge is. Meh zoe wied is \u2019t gel\u00f6kkeg nog neet en volgens Michiel de Vaan is ouch meujelek te veursp\u00e8lle wienie dat wel \u2019t geval zal zien. Es euver e paar hoonderd jaor Holland in de zie gezak is en al die lui hei nao touw koume, zouw \u2019t Mestreechs wie \u2019t noe is wel ins veurgood goon verandere; of al die Hollenders goon netuurlek e soort Mestreechs praote.<\/p>\n
Euver \u2019t verleie vaan de taol die in Mestreech gesproke woort kin oet documinte oet de z\u00e8sde ieuw weure opgemaak tot nao \u2019t verdwijne vaan \u2019t Latien vaan de Romeine hei toen e soort Germaans opkaom . Meh die taol versj\u00e8lde woersjijnelek koelek vaan wat in de umgeving vaan de stad gesproke woort. En dat is tot wied in de Middelieuwe zoe gebleve. \u2019t Oontstoon van \u2019t Mestreechs es stadstaol kint pas in de negetiende iew getraceerd weure. M\u00e8t de industrialisering en de sociaol gelaogheid die daom\u00e8t sameh\u00f3ng kint me veur \u2019t iers constatere tot de klaanke en de w\u00e4\u00f6rd in Mestreech \u2018nen anderen toen kraoge es die vaan de d\u00f6rpe roontelum.<\/p>\n
Wee \u2019t Mestreechs es zie kinneke besjouwt w\u00e8lt netuurlek neet tot dat kump te sterve veurtot heer of zie zelvers aon de beurt is. Meh, zoe zeet Michiel de Vaan, me moot ze keend ouch los kinne laote en acceptere tot \u2019t zienen eige gaank geit. Volgens h\u00e4\u00f6m zouw \u2019t de levesdoor vaan de Mestreechter taol wel ins kinne verlenge es neet te v\u00e4\u00f6l weurt veurgesjreve wie \u2019t zouw mote zien en weurt geaccepteerd tot \u2019n taol noe eine kier verandert in de loup vaan d\u2019n tied. Meh dao zal mennege Mestreechteneer toch meujte m\u00e8t h\u00f6bbe.<\/p>\n