![\"\"](\"https:\/\/www.veldeke.net\/wp-content\/uploads\/2023\/07\/Elsdialekmes17JovanAken-small.jpg\")
<\/p>\nDit jaor houp de Veldeke-krink-Valkeberg h\u00e4\u00f6r 50ste dialekm\u00e8s te viere. In 1972 begint zie es i\u00e8rsjte in Limburg m\u00e8t ein eucharistieviering in de Limburgse taal. De aanleiding ies \u2019t behole van \u2019t i\u00e8rsjte lustrum van de krink, dae in 1967 ies opgeriech. I\u00e8welank waor \u2019t Latien de enigste liturgische taal in de k\u00e8rk. Nao \u2019t Twi\u00e8de Vaticaans Concilie, weurt in 1970 de volkstaal toegesjtange in de eucharistieviering m\u00e8t es doel dat de geluivige kinne begriepe wat veurgelaeze weurt en dat ze de tekste m\u00e8t k\u00e8nne laeze en bae. In i\u00e8rsjte insjtantie gebeurt dat in \u2019t Nederlands. Umdat in deze regio \u2019t Limburgs de volkstaal ies, ontsjteit \u2019t idee van \u2019n dialekm\u00e8s.<\/p>\n
De i\u00e8rsjte Veldeke-dialekm\u00e8s weurt veurgegange door pesjtoar Th. Timmermans van de nuuj parochie in Valkeberg. Nao d\u2019n deens deit hae de suggestie um van de dialekm\u00e8s \u2019n jaorlikse traditie te make. Veldeke wilt dat gaer organisere, mits \u2019n zangkoar de viering m\u00e8t dialekleder wilt oploestere. In de volgende 10 jaor zal dat vervolges gedoon waere door \u2019t Valkebergs mannekoar Geulklank.\u00a0Plaats van handeling ies de Nuuj k\u00e8rk ofwaal de k\u00e8rk van O.L.Vrouw van Altijddurende Bijstand gelege in \u2019t centrum van Valkeberg en ummer op de driede zondig van januari, es eupening van \u2019t nuuj jaor. In de jaore 90 verhuus d\u2019n datum nao \u2018ne zondig in mei. Vanaaf 2003 zal de viering plaats vinge op d\u2019n driede zondig van september.<\/p>\n
Eder m\u00e8s weurt gelaeze door \u2018ne geistelike dae alle vaste tekste en de praek in zien eige dialek oetsjpriek. \u2019t Volk in de k\u00e8rk krieg de dialektekste oetgereik um same hel op m\u00e8t te laeze. In 1980 kump \u2019n ech m\u00e8sbeukske oet m\u00e8t dialekvertalinge van de Veldekebesjtuurslede: Anneke Ubaghs-Cobbenhagen, Jan Notten en Lou Pluijmen, gevolg door \u2019n vernuujde oetgaaf in 2009 m\u00e8t vertalinge van Veldekebesjtuurslid Els Diederen in samew\u00e8rking m\u00e8t pesjtoar H. Jansen. De l\u00e8tste verandering besjteit veural oet \u2019ne teks in de vertroewde vorm (getutoyeerd). Ouch de biebeltekste van de i\u00e8rsjte en twi\u00e8de laezing en de veurbedes waere in \u2019t dialek vertaald en veurgelaeze<\/p>\n
Naodat Geulklank 10 jaor lank de vaste m\u00e8sgezange en ander Limbugstalige leder ten gehu\u00e8re haet gebrach, gebeurt dat daonao bie toerbeurt door ander koare oet de gemeinte Valkeberg-aan de Geul. Dat zint mannekoar Walram\u2019s Genootschap, Zangvereining Orph\u00e9e oet Houthem, zangvereiniging Eendracht oet Suub, mannekoar Internos oet Sjin-op-Geul, Chorale 2000, koar One2sing, de dameskoare Vivace (Sjin) en Belcanto-Resonance en \u2019t k\u00e8rkkoar van de Nicolaas- en Barbarak\u00e8rk St. Cecilea. De vief i\u00e8rsjte koare h\u00f6bbe \u2019n eige dialekm\u00e8s in hun repertoire. In 2015 verhuus de dialekm\u00e8s van de nuuj nao de ouw k\u00e8rk (Nicolaas & Barbarak\u00e8rk) van Valkeberg, meh de driede zondig van september weurt in sjtand gehouwe.\u00a0Celebrante in d\u2019n deens zint door de jaore heen: pesjtoar Th. Timmermans van de nuuj parochie, de Valkebergse patersj J. Houben, J. Wintraeken, H. Reijnaerts, C. Crolla, pesjtoar E. Huids van de nuuj parochie en vanaaf \u2019t jaor 2000 pesjtoar H. Janssen van de parochie Valkeberg-centrum.<\/p>\n
Alle dialekm\u00e8sse waere dr\u00f6k bezoch. In 1980 bieveurbeeld ziete mi\u00e8 es 900 luuj in de k\u00e8rk.\u00a0Veldeke organiseert daonaeve de jaorlikse dialekm\u00e8s m\u00e8t koarzank bie de Sjaasbergergank op de driede zondig van juni. Diverse Carnavalsvereiniginge en ander Veldekekring in Limburg volge en make teves \u2019n traditie devan. Soms vingk op verzeuk \u2019n huweliks- of jubileumm\u00e8s plaats in de eige taal van de jubilaris of \u2018n broedspaar.<\/p>\n
Twi\u00e8 jaor later es gepland, vanwege aaflasting door de coronapandemie, vingk dit jaor 2023 de gouwe jubileumm\u00e8sviering plaats op zondigm\u00f6rge 17 september in de Nicolaas- en Barbarak\u00e8rk<\/strong>. D\u2019n deens zal veurgegange waere door Em. Pesjtoar H. Janssen en opgeloesterd door zangvereiniging Orph\u00e9e oet Houthem o.l.v. dirigente Bianca Lenssen m\u00e8t aan de piano Arno Kerkhof. \u2019t Gemengk koar zingk onder mi\u00e8 h\u00e4\u00f6r eige dialekm\u00e8s woavan de tekste gesjreve zint door Annemarie Bemelmans-Steynebrugh op meziek van Franz Schubert. Aanvank 11.30 oer.<\/p>\n Els Laheij-Diederen, secr. Veldeke-krink-Valkeberg, 2023<\/em><\/p>\n <\/p>\n","protected":false},"excerpt":{"rendered":" Dit jaor houp de Veldeke-krink-Valkeberg h\u00e4\u00f6r 50ste dialekm\u00e8s te viere. In 1972 begint zie es i\u00e8rsjte in Limburg m\u00e8t ein eucharistieviering in de Limburgse taal. De aanleiding ies \u2019t behole van \u2019t i\u00e8rsjte lustrum van de krink, dae in 1967 ies opgeriech. I\u00e8welank waor \u2019t Latien de enigste liturgische taal in de k\u00e8rk. Nao \u2019t […]<\/p>\n","protected":false},"author":5,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[37,46],"tags":[],"class_list":["post-57663","post","type-post","status-publish","format-standard","hentry","category-limburgse-dialekte","category-religie-lb"],"acf":[],"yoast_head":"\n