Ein van de hoogfeeste van Veldeke Limburg is de jaorlikse declamatiefinale, dit jaor veur de derde keer op riej in DOK6 in Kepel (Panningen). Mer leefs 28 bazissjoolkinjer van groep 3 t\/m 8, allemaol winnaars van de veurrunj op kringniveau, zote op deze werme middig mit h\u00e4\u00f6r eljers, opa’s, oma’s , breurkes, z\u00f6skes en wiejere aanhank netjes op tied inne zaal.<\/p>\n
Kemissieveurzitter Henk Buskes heet ederein welkom en leet de prizzentasie euver aan Hans Jacobs, dae op zien sjprankelende meneer de kinjer nao veur reep, op h\u00e4\u00f6r gemaak sjt\u00e8lde, zorgde det d’r oppe tied ‘n applaus kl\u00f3nk en det d’r vaart zoot in ‘t programma. “Wo zitte die van K\u00e8rkraoj, van Ech, van Weert, van Venlo van Remunj”? Ouch leet d’r kinjer vraoge sjt\u00e8lle aan de jury: Wie h\u00e8ts dich?, Wie aad b\u00f6s dich? Wo b\u00f6s doe van? Dao kwome al den neet eerlikke antjwaorde op van juryveurzitter Hortense Brounts, en de anger lede Sef Peeters, Katja Henz, Anke Peters en Ton van de Wijngaard.<\/p>\n
Die krege ‘t nag b\u00e8s lestig, want ‘t nivo van de veurdrachte woor erg hoog. Geweun geniete woor ‘t veur de jury en zeker ouch veur de toesjouwers inne zaal. Ze krege te heure wie se ‘t m\u00f3s aanpakke \u00f3m in b\u00e8d nag sjtiekem op dienne GSM te k\u00e8nne kieke, wie ‘t toes geit es mam op dieet is, waat dich k\u00e8n gebeure es se oppe fiets zits te appe \u00f3nger ‘t verkeerseksame, wor\u00f3m opa zienne verj\u00e4\u00f6rdig wilt euversjlaon, waat se duis eer se sjmorges opsjteis, det greun vingers toch ech paekzjwart zin en wor\u00f3m \u00f3s Limburgs ein wereldtaal is.<\/p>\n
Tiedes ‘t juryberaod z\u00f3ng Niels Sievers (14 jaor) oet Zitterd drie Limburgse liedjes: Geneit van ‘t laeve, Zitterd allein en Wie ich nag ‘n jungske waas. Hae begel\u00e8dje zichzelf daobiej oppe gitaar.<\/p>\n
Juryveurzitter Hortense Brounts maakde r\u00f3ndj half veer de oetsjlaag bek\u00e8nd.<\/p>\n