Op \u2018ne werme d\u00f3nderdaagaovend in Juni woorte weej door \u2019t bestuur van Veldeke Venlo hertelik \u00f3ntvange in Cafe De Gaaspiep aan de Kleine Kerkstraot in Venlo. Ein gezellig caf\u00e9 wao de krink mit regelmaot beejein kump en wao euveral kiepse, hudjes en andere zake um d\u2019n bums te versiere ligge en hange.<\/p>\n
Det de Krink Venlo mit 190 leje en 150 donateurs, \u00f3nder\u00a0 de bezielende leiding van veurzitter Henk Buskes, gezeen maag waere als \u2018ne gez\u00f3nde tak van de boum dae Veldeke hit; wiste weej al. Aevel, det zeej naeve \u2018n lekkere tas k\u00f3ffie mit flaaj, ein knappe prissentatie oet d\u2019n hoe\u00ebge hood toverde; dao veur verdene zeej \u2018ne pluum op eure Veldeke hood.<\/p>\n
Henk en Henk, Martin, Bas, Diana, Wilma en de twie\u00eb Wiele nome \u00f3s mit in eur verhaol \u201cwaat doon weej zoe\u00eb allemaol\u201d. Noow, \u2018ne hiele houp, weej neume inkele veurbeelde: Jurering van de Faatse in de vastelaovesoptochte van Venlo en Blierick, de declamatiewedstried in Venlo,Blierick en Tegele, de cursus Venloos laeze en schrieve, de oetreiking van de oeuvrepries Limburgs leed, de organisatie van de jaorlikse vreejwilligersdaag en de slumste Venlonaer, de veurstelling opwaeg nao Kersmis en de redactieveuring en productie van dreej edities per jaor van de Kroedwis. Ouk de website van Venlo is ein A in orde en zelfs veurzeen van \u2018t online Venloos Waordebook.<\/p>\n
Nao de prissentatie woort de k\u00f3ffie umgetoes veur \u2019n dr\u00f6pke en waas d\u2019r tie\u00ebd veur \u2019n oetgebreide gedachtewisseling euver \u2019t werk van de vereiniging en de toek\u00f3ms van \u2019t Limburgs. Waat indr\u00f6k haet gemak is det de Krink Venlo ech van d\u2019n hood en de rand wet. Minse laote schittere, plezeer hebbe mit taal em mit zichzelf \u00f3nderein, maar veural de wins um kinnis en kunde te deile mit andere kringe steit in Venlo veurop.<\/p>\n
\u2019t Meugelik make van beejeink\u00f3mste, de kinnisverbreiding en deiling binne Veldeke wuurt\u00a0 as\u00a0 \u2019n wiechtige opgaaf gezeen veur \u2019t bestuur van Veldeke Limburg. Taeves woort \u2019n werme oproop gehalde veur \u2019t behald en de versterking van \u2019t weiteschappelik \u00f3nderzeuk, \u2019t wuurt tied det de bestaonde deiltie\u00ebd lierstool Taalcultuur in Limburg aan de Uninversiteit van Meestreech flot wuurt umgezatte in \u2019n reguliere volle formatieplaats. Dao is \u2019n duchtige investering op zien plaats in de discussie euver de toek\u00f3ms van \u2019t Limburgse Streektaal beleid.<\/p>\n
Ouk deent de samewerking mit andere \u00f3nderwiesinstellinge in \u2019t Limburgse gez\u00f3ch en ge\u00efntensiveerd te waere, dit um \u00f3nderzeuk nao en \u00f3nderwies op \u2019t terrein van de lokale Limburgse dialekte te stimulere en te verbaetere.\u00a0\u2019n Andere constatering, door de Krink aan \u00f3s mit gegaeve, waas det d\u2019r vuuel speulers zien op de Venlose mert van \u2019t Limburgs dialek, waodoor \u00f3nder andere de basisschoe\u00eble en andere publieke partie\u00eb door de buim \u2019t b\u00f3s neet meer zeen en dan \u2019t kaf neet van \u2019t Veldeke kaore weite te scheije.<\/p>\n
Nao \u2019n letste drenkske en \u2019t make van \u2019n geveulige plaat, vertrokke weej weer nao \u2019t zuje. Ge\u00efnspireerd door de minse van Veldeke Venlo en weer waat Veldeke wiezer.<\/p>\n
N\u00f3g \u2018ne kier danke\u00a0 en chapeau,<\/p>\n
Christine van Basten-Boddin en Ron de Louw
\nVeurzitter en sikkertaris Veldeke Limburg
\nJuni 2018.<\/p>\n
<\/p>\n","protected":false},"excerpt":{"rendered":"
Veurzitter Christine van Basten en sikkertaris Ron de Louw bezeuke lokaal Veldeke Kring Op \u2018ne werme d\u00f3nderdaagaovend in Juni woorte weej door \u2019t bestuur van Veldeke Venlo hertelik \u00f3ntvange in Cafe De Gaaspiep aan de Kleine Kerkstraot in Venlo. Ein gezellig caf\u00e9 wao de krink mit regelmaot beejein kump en wao euveral kiepse, hudjes en […]<\/p>\n","protected":false},"author":5,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[40,39],"tags":[],"class_list":["post-9069","post","type-post","status-publish","format-standard","hentry","category-veldeke-kring","category-veldeke-limburg-lb"],"acf":[],"yoast_head":"\n