Op goonsdigaovendj 13 juni wore weer te gas in ‘t n\u00e8s van de Limburgse dialectkampioene.\u00a0Bie de Limburgse finale van de Veldeke Declamatie wedstried op 26 mei in Panningen wore dit jaor weer 2 deilnummers oet de krink Ech op de 1e plaats ge\u00ebindigdj en daomit Limburgs kampioen.\u00a0Eine daag v\u00e4\u00f6r oos bezeuk wuntj Henk Hover oet Ech ‘t Groat Limburgs Dictee van Veldeke Limburg en De Limburger. Weer ‘ne kampioen d’rbie.\u00a0De taal van Ech, Pej, de taal van ‘t H\u00e8nge, wo Henk vanaaf k\u00f6mptj, mer eigelik alle dialecte, zeen Kampioen Henk op ‘t lief gesjreve en vloeje oet zien pen.<\/p>\n
Mer det geltj zeker ouch v\u00e4\u00f6r ‘t 7-koppige bestuur van de Krink Ech mit Ton van Wegberg es v\u00e4\u00f6rzitter aan ‘t roer.\u00a0Jaomer det secretaris Miel Coenemans, dae zich enorm haw ingespanne om dit bezeuk in gooj bane te lei\u00eb \u2013 en wov\u00e4\u00f6r dank \u2013 d’r neet bie k\u00f3s zeen en det bestuurslid Rinus Mulders op vakantie woor. De aanwezige bestuursleje Ton,Theo, Piet, Anke en Yvonne lete zich van hunne b\u00e8ste kantj zeen en b\u00f6nne angerhalf oer kome ‘n groat aantal thema’s langs. En b\u00f6nne die angerhalf oer k\u00f3ste weer gewaar waere det dit bestuur v\u00e4\u00f6l leefdje haet v\u00e4\u00f6r de Limburgse taal, mer daobie ‘ne gooje kiek haet op de realiteit van de daag van vandaag. Zie sloete de ouge neet v\u00e4\u00f6r allerlei oetdaginge wo zie v\u00e4\u00f6r k\u00f3mme te staon, benutte de kanse die d’r zeen en staeke de henj stevig oet de moewe.<\/p>\n
V\u00e4\u00f6r de twie\u00ebdje h\u00e8lf van ‘t jaor staon d’r nog hie\u00ebl get activiteite oppe agenda, zoawie: in juli: ‘t jaorliks oetstepke (dit jaor nao Leuve) in augustus: ‘n po\u00ebziewanjeling in Ech-centrum\u00a0in september: ‘n dialectm\u00e8s bie de kepel van Sjaelberg, ‘ne Toon Hermans aovendj in Ech en ‘n wanjeling en teves excursie in de loup van de Middelsgraaf, die opnuuj is ingerich. In oktoaber: is d’r ‘ne film- en meziekaovendj geplandj in november: ‘n laezing \u00e4\u00f6ver Limburgse dialecte en waat dao allemaol mit same hungtj\u00a0in december: ‘n nuuj oetgave van \u2019t Veld(j)eke bek\u00e8t en ‘ne fie\u00ebsaovendj in de kerssfeer. Get v\u00e4\u00f6r ederein dus!<\/p>\n
Ton v. Wegberg: De Krink Ech haet \u00f3p ‘t ougeblik\u00a0 250 leje, die v\u00e4\u00f6r ‘t gr\u00f3tste gedeilte bestaon oet 60-plussers. ‘t Aantal sj\u00f3mmeltj waal ‘n bietje per jaor, mer ‘n belangriek aandachspuntj v\u00e4\u00f6r ‘t bestuur is toch de \u201cvergriezing.\u201d\u00a0Weer zeen ‘ne actieve krink mit v\u00e4\u00f6l versjillendje activiteite. Gemiddeldj 50 t\u00f3t 70 leje zeen in wisselendje samest\u00e8lling aanwezig per activiteit mer weer constateerdje ouch det z\u00f3’n 100 leje noatj kome. Oet verder \u00f3ngerzeuk is gebleke det hie\u00ebl v\u00e4\u00f6l leje ‘t b\u00e8s belangriek v\u00e8nje waat Veldeke duitj, merze h\u00f6bbe neet direk behoefte \u00f3m aan de diverse activiteite deil te numme. Eigelik zeen ‘t \u201cdonateurs.\u201d<\/p>\n
De beheerder van de cente Theo Bougie geuftj ‘n toelichting op de financi\u00eble positie van de krink. Die is, door v\u00e4orzichtig en doordach beleid, zeer solide te neume. Waal st\u00e8ltj Theo de hie\u00eble structuur van de vereiniging aan de orde en haoptj det ‘t Provinciaal bestuur dao werk van geitj make, om deze, mit ‘t oug op ‘t wirkbaar haoje van de leje-administratie en de verplichtinge n.a.v. de versjerpte privacy wetgaeving, opnuuj in kaart te br\u00e8nge en statutair te verbaetere.’t Ie\u00ebste hoeswerk is b\u00f6nne.<\/p>\n
‘t Lejebestandj is redelik c\u00f3nstant, aevel ‘t v\u00e8nje van bestuursleje is ouch hie ‘n hie\u00ebl oetdaging. Zoa weurtj al duchtig gez\u00f3ch nao ‘ne opvolger v\u00e4\u00f6r Miel.\u00a0Vanoet de leje k\u00f6mptj weinig reactie op dees probleme. Ze zeen det toch mie\u00eb es ‘n functie van ‘t bestuur zelf. En, det m\u00f3t gezag, ‘t bestuur paktj det mit verve op. Yvonne Smeets v\u00f6ltj aan door oet te l\u00e8gke waat ‘t bestuur \u00f3ngernumtj \u00f3m ‘t tij te kie\u00ebre. Zoa zeen d’r twie\u00eb bieeink\u00f3mste georganiseerdj mit ‘ne klankbordgroep van \u201cj\u00f3ngere\u201d mit de centrale vraog: \u201cWie kiktj geer hie taege aan?\u201d Dao kome allerlei suggesties oet, zoawie ‘t aanpasse van meziekprogramma’s en de vaste vereinigingsaovend(de goonsdigaovendj).Ouch ‘t organisere van alternatieve activiteite zoawie ‘n kaokclub, die zich bezig zal haoje mit de recepte oet ‘t kaokbook.<\/p>\n
Kort\u00f3m: minse enthousiast make v\u00e4\u00f6r Veldeke en ouch \u00e8ns activiteite organisere v\u00e4\u00f6r minse die nog gein lid zeen.\u00a0Ouch de tip van de krink Zitterd weurtj mit gen\u00f3mme: \u201cEs se ‘t bestuur wils verj\u00f3nge\u00a0doog det door ‘n paar j\u00f3ngere tegeliek op te numme.\u201d ‘t Zittendje bestuur zal ‘ne \u00f3mslaag m\u00f3tte make en bereid m\u00f3tte zeen anger saort activiteite te organisere.<\/p>\n
Piet Aben,\u00a0 in 1999 (!) bie ‘t bestuur gek\u00f3mme, numtj ‘t waord. Spraeke, laeze en ‘t sjrieve van ‘t dialect is ‘n compleet pakket en det verdeentj aandach in de volle br\u00e8dje. Piet h\u00e8ltj ‘n stevig pleidooi v\u00e4\u00f6r de deskundigheidsbevordering van ‘t bestuur en mesjien ouch ‘n aantal leje en hae haoltj de einjaorige HBO- cursus ( red. de zgn. Lie\u00ebrgank Limburgs)\u00a0 nao v\u00e4\u00f6re dae oatj is aangebaoje door Veldeke Limburg ter verdeping van de k\u00e8nnis van oos dialect. ‘t \u00d3ntbraeke van dae cursus- of get vergeliekbaars- wobie in verkorte v\u00f3rm historische, lingu\u00efstische, sociolingu\u00efstische en literaire achtergrunj van ‘t Limburgs aan bod k\u00f3mme, weurtj ech es ‘n groat gemis ervare bie ‘t bestuur.<\/p>\n
\u00d3ndanks det de leje van ‘t bestuur v\u00e4\u00f6lal hun ankers hawwe in ‘t \u00f3ngerwies, veule ze zich \u00f3nvoldoende toeger\u00f6sj \u00f3m ‘t taalkundig aspect op niveau oet te drage aan de leje of derde.’n Dudelik app\u00e8l aan \u00f3s( laes: ‘t provinciaal bestuur van Veldeke) \u00f3m d’r get mit te doon. Weer zitte ‘t op de agenda.<\/p>\n
Veldeke weurtj b\u00f6nne dees regio ech gezeen es hofleverancier van alles waat mit oos streektaal te make haet. ‘n Sjoan v\u00e4\u00f6rbeeldj is, det de vastelaovesvereniginge zich inmiddels haoje aan de \u201cVeldeke spelling 2003.\u201d\u00a0\u201c’t Haet get tied en meute gekosj,mer oeteindelik is ‘t toch gel\u00f6ktj.\u201d\u00a0‘t Bestuur is ouch mit rech trots op hun oetgave mit name ‘t Kwartaalblaad \u201cVeld(j)eke bek\u00e8t\u201d en \u201c’t Br\u00f3nsgreun beukske Ech Z\u00f6stere\u201d det qua opzat te vergelieke is mit ‘t v\u00e4\u00f6rig jaor versjene book: \u201c \u00d3s Moddersjpraoch\u201d van de Krink Um Mamelis.<\/p>\n
De gem\u00e8ndje Ech-Z\u00f6stere haet bie de oetgave destieds zelfs 500 exemplare ingekoch es welkomsgesjenk v\u00e4\u00f6r nuuj inwoners.\u00a0Anke Heythuysen verz\u00f6rgtj de declamatiewedsrieje v\u00e4\u00f6r de sjoale. \u00c4\u00f6ver de wieze wo-op m’n dit lokaal aanpaktj kalle w’r nog effe door. Es \u201ctoetje\u201d kriege w’r ‘t prachtige beukske:\u201d 10 Jaor declamatiewedstried veur de jeug van de basissjoale in Groat-Z\u00f6stere\u201d aangebaoje.<\/p>\n
Weer k\u00e8nne nog oere kalle mit deze\u00a0 enthousiaste club, mer op \u00e8nnig moment m\u00f3ste weer toch weer tr\u00f6k nao Buchte en Baek.\u00a0‘t Woor ‘n hertelik en informatief samezeen, wov\u00e4\u00f6r v\u00e4\u00f6l dank.<\/p>\n
Christine van Basten-Boddin v\u00e4\u00f6rzitter Veldeke Limburg.
\nRon de Louw secretaris Veldeke Limburg.
\nJuni 2018.<\/p>\n","protected":false},"excerpt":{"rendered":"
Veurzitter Christine van Basten en secretaris Ron de Louw bezeuke lokaal Veldeke Kringe Op goonsdigaovendj 13 juni wore weer te gas in ‘t n\u00e8s van de Limburgse dialectkampioene.\u00a0Bie de Limburgse finale van de Veldeke Declamatie wedstried op 26 mei in Panningen wore dit jaor weer 2 deilnummers oet de krink Ech op de 1e plaats […]<\/p>\n","protected":false},"author":5,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"inline_featured_image":false,"footnotes":""},"categories":[40,39],"tags":[],"class_list":["post-9148","post","type-post","status-publish","format-standard","hentry","category-veldeke-kring","category-veldeke-limburg-lb"],"acf":[],"yoast_head":"\n