Veldgewas: de stum bij ’t gediech (jannewarie 2025)

Godelieve van Gemen uit Baarlo schrijft niet alleen gedichten voor ons online poëziemagazine Veldgewas, maar ze leest die gedichten ook voor. En dat doet ze op een bijzondere manier. U kunt hier haar prozagedicht voor het januarinumnmer van Veldgewas 2025 beluisteren. De titel is “Zich baeje” (bidden). De tekst kunt u volgen door hieronder mee te lezen.

Zich Baeje

“Appie Hein mit de bóks vol sjtein!” Det kós det menke. Sjelde en sjoebe, niêpe en kleke. As dae
nötterd zich boekde, waar de witte sjpleêt van zien vot te zeên. De bezörger op ‘t fietsekerke van
kruidenier Albert Heyn oêt Blierick euverlaefde de piên. Det menke, dae prengel, woord wethaojer
en goôf door de traditie van sjelde en sjoebe.

“An van Brem mit de bóks vol sjem!” Sjolde dreej lang jónge oêt de achste klas en sjtóm wiej ‘t ing
van ein verreke. Zeej kaakde en kleekde nao um, nao det kink van sjörgers det vanoêt ein getto in
de stad oppe voôt nao de dörrepe kwaam um naeve de deur te sjoeëje. ‘t Maedje euverlaevde en
kreeg kiendjes wao zeej vur zörgde wiej ein gój hón duit vur de kuukskes. Zeej goôf de traditie door
van gedöld en same deile.

De sjlungels gove eur eige traditie door en laevde d’r duchtig zoêpend op los. Fastelaoves gek mit
de baezemsjtek, jagen ‘t wiefke de deur oêt. Wiefke haet nag niks gehad, gaef eur ein sjtök van ‘t
verkesgat, sjniej mer deêp, sjniej mer ‘ne vinger deêp. Eur jónge kake um ‘t aeve woê en wan en
hallef zat, det al die anger minse die heej neêt hure, op eine boeët mótte waere gezatte en op volle
zieë d’r aaf mótte waere gekiept. Beej aoj minse toepe ze snachs oppe roête en hauwe pöt kepot.

Gister reêp Albert Heijn alle zek mit blaw miêmere truuk. Sjtóng in de gazet. Ein vrouw kaakde
beej dit niejts: “ Det mensse neêt!” Sjtóng in de Gazet.

Zoê wiêd bön ich gekómme noow, in eine tiêd wao dór de Taore van Weelmoôd en Hovaerdigheid,
de wäörd verwilderd zien en te dök inkel kinne waere oêtgesjpiejd.

De muuskes sjravele in de sjop mit sjtru wao gen kiep mier kump. Sjteinuulkes kake doênbeej oppe
loer. Get sjoôt mich dór de kop. Get, mer ‘t is wir weggevlaoge krek wiej ich bekáns doôn doôn.
Ich wach op klaor lóch. Wiel ich mich baej mit einen Ingel en ein Miemke. Vur minse die krepere
en krepeerde. Auch vur minse die ‘t goôd geit en vur diej diej bezaete zien dór kwaod en baej ich
mich, baejs do dich, baeje weej ós, baeje zeej zich ein nutelik gedich det klamp ein gedich is.

Godelieve van Gemen, Baolder januari 2025
niks velt te verlere wao te vuul minse gelierd waerde te mótte winne.