Oetergaonsmaondj 83

Nao gefoesjel van hogerhandj (laam handj) voor ich oetergaonsmaondj 83 benaorde Helje Limburg binne. Gooj zin, vinj ich en die hauw ich doe zeker. Zinge aevel kan ich neet. Ich dink waal get gedach, gezag gerope te höbbe, get wie: ich kóm. Ich kóm, kaole koele löss en grindj geer dreideilige prengels waat höbt geer mit eur koempels gedaon. Ich kóm trök Moder Maas.

Gooj zin, daobaove, den ich sjtaon gesjerzjant tösse de wäörd voor en oetersgaonsmaondj. Det voor is neet veur veer wae,. Nae. Rope-reep-gerope, dao woor geine te sjpäöre.

Geine. Waeg laeg. Midde-Pielwaeg. Dojewaeg. Sónjis vore hiej boere in häöre Kadett, hood op bril vergaete en ’t sjtuur vas wie ze de kop van jóng duurkes haoje móste wen die ós waerde. Jóng waat? Duurkes, sjtierkes zól det neet mit ‘taurus’ vandoon höbbe. ich kóm neet veur uch, dere en deerkes mae veur wie ze uch neume hiej. Daoveur voor ich Oos Taal binne, det ‘duur’ zól van de Naormanne kónne kómme, de naordmen maordmen wie ze zagte in Asselt Aelse wo ze kans ein op teen gewaes zien, meine waersmen.

Neet mit meuje wiejer, hiej meets Helje Haerle, daag Winkbulkes, ouch wae  zegke wink, hiej löp de hank-hónklien zich boetsj in de zómp en geine dae det wit.

Geine? Daag Sjaak daag vader Lei geer zag nag hank zank en kink mae wie ich mit wól doon, zankaerpel zag zag geer: vals, wae aete petatte. Sjmoke waal angers es die van Moder Maas. Rope reep sjmake sjmook: drej dich um – wo bön ich. Biej Godelieve det mich linkwórm lierde.

Ich voor door, nao de wäörd van miene Letterbak, daag Heitse, einen druim dae doe nag geine naam hauw. Koppel jaor haope nag, doe teen jaor plezeer  doezjende wäörd door aeveväöl hóngerige brevebösse geduujd, noe vlege de letters ’t sjlóktrummelke oet trök nao dae sjtein, dae sjtein dae…

  • Foesjele: zogeheten iteratief van foesje=frauderen, bedriegen, valsspelen. Knoje. Soort foetele, maar dat wordt vooral bij spel en spelen fgebruikt. : vae
  • Oetergaonsmaondj: september. ’t Jaar is bezig te verdwijnen. Oetgaon is hier: uitdoven.
  • Gesjerzjant: een sergeant ook wel liemsjroef geheten is een vrij grote klem om hout (plankjes) op elkaar te klemmen. Verbastering van Frans serre-joints. Joindre=samenvoegen, serrer: (vast)drukken.
  • Een prengel: ook al v. Dale: vlegel, lomperik – komt van prang: neusklem voor paarden. Een ander woordenboek: penis in erectie, gevolgd door: houterig persoon.