Lesbreve

(Mofers)

Saer 2007 guuef Veldeke regelmaotig zoeagenaamdje Lesbreve oet in de Limburgse streektaal. Det zeen mini-beukskes die e bepaoldj thema behanjele veur lieërlinge vanne hoogste klasse vanne basissjoeal (11- toet 12-jäörige). Meistal zeen det thema’s die te make höbbe mit de Limburgse historie en volkscultuur. Die Lesbreve waere samegestèldj in samewirking mit eine van de lokaal Veldekekring en zeen gestèldj in ’t plaatselike dialek van dae Krink.

De Lesbreve zeen bedoeldj óm gebroek te waere in ’t óngerwies. Alle Limburgse sjoeale kriege ein exemplaar op zich toegesjik en kinne nao aanleiing daovan mieër exemplare bestèlle óm oet dte deile aan de lieërlinge of te beware in ’t documentatiecentrum. Op die meneer haope veer de streektaal weer óngerdeil te make van ’t lesprogram wo-oet ’t langen tied – dök om óneigelike raeje – is gewaerdj. De mitwikring van docente die zelf nag plat kalle is daobie ein noeadzakelike veurwaarde. Mer Veldeke kan desgewins ouch assistentie verlieëne inne lesse.

Veurbeeldje van Lesbreve oet ’t verli-jje zeen:

In 2007 Veldekekrink Ech de Lesbreef: Sint Maerte (Sint Maarten) – in ’t Echs
In 2008 Veldekekrink Zitterd de Lesbreef: Kirmes (Kermis) – in ’t Zittesj
In 2009 Veldekekrink Venlo de Lesbreef: De Schötterie (De schutterij) – in ’t Venloos
In 2010 Veldekekrink Haerle de Lesbreef d’r Weg (de weg) – in ’t Heëlesj
In 2011 Veldekekrink Valkeberg de Lesbreef Mergel – in ’t Valkebergs
In 2013 Veldekekrink Remunj de Lesbreef Vastelaovend (Carnaval)
In 2015 Veldekekrink Vinraoj de Lesbreef De Pieël (de Peel) – in ’t Nederlands
In 2016 Veldekekrink Valkeberg de Lesbreef In Limburg zit meziek – in ’t Nederlands

De óngerstreepdje titels zeen hie es PDF te downloade.

Veur zoeawied nag veurräöjig zeen de lesbreve in gedrökdje vorm te bestèlle via oze webwinkel.