Lèsbreve

(Mestreechs)

Sinds 2007 gief Veldeke mèt einege regelmaot zoegenaomde Lèsbreve oet in de Limburgse streektaol. Dat zien mini-beukskes die e bepaold thema behandele veur lierlinge vaan de hoegste klasse vaan de basissjoal (11 tot 12 jaorege). Miestal zien datv thema’s die te make höbbe mèt de Limburgse historie en volkscultuur. Die Lèsbreve weurde samegestèld in samewèrking mèt ein vaan de loaal Veldekekring en zien samegestèld in ’t plaotselek dialek vaan dee krink.

De Lèsbreve zien bedoeld um gebruuk te weurde in ’t oonderwies. Alle Limburgse sjaole kriege ’n exemplaar op ziech touwgesjik en kinnen mao aonleiing daovaan mie exemplare bestèlle u moet te deile aon de lierlinge of um te bewaore in ’t documentatiecentrum. Op die meneer hope veer de streektaol weer oonderdeil te make vaan ’t lèsprogram boe-oet ’t langen tied – en dèks um ooneigeleke reie – is verbanne. De mètwèrking vaan de docente die zelf nog dialek spreke is daobij ’n noedzakeleke conditie. Meh Veldeke kin desgewins ouch assistentie verliene in de lèsse.

Veurbeelde vaan Lèsbeve oet ’t verleie zien:

In 2007 Veldekekring Echt de Lesbrief: Sint Maerte (Sint Maarten)
In 2008 Veldekekring Sittard de Lesbrief: Kirmes (Kermis)
In 2009 Veldekekring Venlo de Lesbrief: De Schötterie (De schutterij)
In 2010 Veldekekring Heerlen de Lesbrief d’r Weg (de weg)
In 2011 Veldekekring Valkenberg de Lesbrief Mergel
In 2013 Veldekekring Roermond de Lesbrief Vastelaovend (Carnaval)
In 2015 Veldekekring Venray de Lesbrief De Pieël (de Peel)
In 2016 Veldekekring Valkenburg de Lesbrief In Limburg zit meziek 

De oonderstriepde titels zien hei es PDF te downloade. Veur zoeveer ze nog in veurraod zien, zien de Lèsbreve in gedrökde vörm te bestèlle via euze webwinkel.