Sponsoring

Veldeke Limburg stèlt foondse besjikbaar aon projekte die bijdrage aon ’t behaajd en bevordere vaan de Limburgse taol en volkscultuur. Die foondse zien op de ierste plaots bedoeld veur de lokaol Veldekkring. Die kinne e beroop doe op de Stimuleringsregeling vaan Veldeke Limburg es ze nui initiatieve wèlle oontwikkele veur hun lede of zjus um nui lede te werve. De condities boe-oonder dat gebäört stoon geformuleerd in de regeling van ‘t Veldeke Stimuleringsfonds, die geer hei kint bekieke.

Daoneve kinne ouch initiatieve vaan boete Veldeke in aonmèrking koume veur sponsoring door Veldeke Limburg. Ouch daoveur gelde strikte regels boe-aon zoe’n aonvraog veur sponsoring moot voldoen. Zoe moot ’t projek bijdrage aon de gooje naom vaan Veldeke en moot dao ouch spraoke zien vaan ’n tegeprestatie. De zjuste regels en condities kint geer leze in de regeling veur (externe) sponsoring.

Strategische samewèrking

Veldeke Limburg steit ope veur strategische samewèrking mèt ander organisaties die projekte en/of activiteite op het gebeed vaan de Limburgse taol en cultuur entamere en die daomèt ’n aonvölling kinne lievere aon de visie en de missie vaan Veldeke Limburg. Höb geer dao ideeje euver? Nump daan kontak op mèt Pieter Ebus (penningmeister), mèt Thijs Peeters (sikkeraris) of mèt Bèr Brounts (PR, Marketing en Communicatie). Zie helpe uuch gere wijer.

Veldeke gief neet allein cent oet meh zuut ouch gere cent binnekoume. Es geer Veldeke financieel wèlt oondersteune kint dat via donaties die fiscaal aoftrèkbaar zien volgens de ANBI regeling. Es geer dao mie euver wèlt wete daan kint dat hei leze.