Veldeke Kids

(Mofers)

Veldeke Kids is ’ne online tv-zender veur de Limburgse jeug. Mit leuke en speelse programma’s in de Limburgse dialecter wiltj VeldekeKids jóngere stimulere häör eige dialek te blieve gebroeke en ouch actief daomit ane slaag te gaon.

Veur sómmige inweuners van Limburg is ’t hieël gewuuen óm daacheliks Limburgs dialek te gebroeke mer veur angere is det minder vanzelfspraekendj. Det göltj ouch veur de jóngere in de provincie. Al steit ’t dialekgebroek bie deze groep ónger drök, de sociaal media höbbe veur eine nuje boost gezörg. “Appe” in ’t Limburgs is “trending”.

Veldeke Kids is ’n initiatief van Veldeke Limburg en Ambaum BrandMakers, en wuuert óngerstuuendj door de provincie Limburg, Raod veur ’t Limburgs en ’t Hoes veur de Kunste Limburg.

Kiek hie nao ’ne videoclip vanne titelsong “Plat”, gezónge door Katja Henz en Dwayne Horbach.