Taalwetenschap

(Venloos)

Talekinnes

Veldeke Limburg wilt ‘t weiteschappelik ónderzuuk nao de Limburgse taal óndersteune. Daorum werke weej same mit perfesser Leonie Cornips, die vanaaf ‘t jaor 2011 ‘ne bezóndere lieërstool bekleid aan de Universiteit van Mestreech, Taalcultuur in Limburg.

Bezóndere lieërstool

‘t Belangriekste van de lieërstool is ‘n beejdrage aan ‘t ónderzeuk nao de samestelling van d’n “eigen aard” in Limburg aan de hand van taalgedrag. Leonie Cornips ónderzuk ónder ander aan de hand van taalgebroek waat veur ideje d’r in de provincie laeve euver ‘t Limburgs “eige”. Daobeej wuurt raekening gehalde mit de mieërtalige lokale, regionale en euregionale verbande. Dit mót mier inzich in de veuroetgank van de gespraoke, gezónge en geschreve taal in Limburg verschaffe.

Sjiek is mich det

Leonie Cornips haet vuuel publicaties en lezingen op euren naam staon die verschillende ónderdeile van de Limburgse taal behandele. As d’r weer heibel euver ‘t Limburgs dialek óntsteit gif zeej in plaatselike en nationele krante altied eur meining. Ouk kump zeej op veur de belange van de Limburgse taal in relatie tot de provinciale politiek. Zoeë is zeej ing betrokke beej ‘t regionale euverleg Taal en Letteren Platform (TaLep) wao ouk Veldeke Limburg actief beej is. Heej is ‘n oetgebreid advies aan de Gedeputeerde Staten, euver ‘t provinciaal taalbeleid, oet óntstaon.

Waordeboek van de Limburgse Dialekte

Weiteschappers van de Radboud Universiteit Nijmege hebbe ein waordebook samegesteld van de Limburgse dialekte. Dao in staon van vuuel Limburgse wäörd de variante in vorm en beteikenis opgesómp. ’t Waordebook is primair bedoeld veur weiteschappelik ónderzeuk en dao mei neet bezónder gebroeksvrintelik van opzet. ’t Loog oeëts in de bedoeling ouk ein publieksvrintelike versie te óntwikkele, maar det is d’r wies noow nog neet van gekómme. ’t WLD is op dit moment allein digitaal te raodplege via de website e-WLD.