Taal en Letterenplatform Limburg (TaLep)

(Lemieëzjer plat)

Veldeke maat deel oes van ’t Taal- en Letterenplatform (TaLeP) dat i 2016 óp initiatief van de Provins Limburg in ’t leëve is jeróffe. In dit platform nemme nevver Veldeke óch nog deel: Het Huis voor de Kunsten, de Commissie Literatuurgeschiedenis van ’t Limburgs Geschied- en Oudheidkundig Genootschap (LGOG), Cubiss Limburg, ’t Letterkundig Centrum Limburg (LCL), de sjtieftoeng LiLiLi, d’r Raod veur ’t Limburgs en de Vereniging voor Limburgse Dialect- en Naamkunde (VLDN).

Jebaziert óp de nota ,Sjiek is miech dat, Visie op taal als erfgoed’ oes 2015 hat TaLeP in d’r janoewaar va 2017 ’n subsidie-aavroar an de Provins jericht veur e project: e zweisjproachieg fèstival ‘Taalcultuur in Limburg’ (  Limburgs en Hollèndsj) i tsesamehank mit zwei Limburgse literatoerpries en e talèntontwikkelingsproject. D’r 24ste meëts hat de Provins besjlaosse öm veur ’t joar 2017 ’n einmalieje projectsubsidie tsów tse kènne va maximaal € 25.000 veur de finantsieroeng van ’t project.

Óp vriedaag d’r 31 meëts is in de verzamloeng va TaLeP ’n sjtuurjroep jevormd die de organisatioe ën van het fèstival óp ziech jenomme hat.

Vuur hauwe uuch óp de huuegde.