Veldeke Limburg es ANBI
De vereineging Veldeke Limburg (opgeriech in 1926) heet d’n officiële staotus vaan “Cultureel Algemein Nut Beougende Instèlling (Cultureel ANBI). Dit beteikent tot sjinkinge aon Veldeke Limburg uuch veurdeil beeje. ’t Bedraag wat geer sjink maag geer 1,25 kier es gif aoftrèkke bij eur belastingaongifte. Hei oonder stoon in ’t kort de gegevens vaan eus vereineging.
Doelstèlling en missie
Dialekvereineging Veldeke Limburg heet es doel ‘t spreke, leze en sjrieve vaan de Limburgse taol in al zien variante te bevordere. Dat doen veer umtot veer vinde tot de Limburgse taol en cultuur ‘n bezunder weerde höbbe veur de inwoeners vaan dees provincie en daorum behawwe mote blieve. Veer informere ederein dee geïntresseerd is euver wat ziech aofspäölt op ‘t gebeed vaan de Limburgse dialekte en volkscultuur twietaoleg (Limburgs én Nederlands) via euze website www.veldeke.net, via euze Nuutsbreef en via social media wie Facebook en Twitter.
Hooflijne beleidsplan
Veldeke Limburg bevindt ziech momenteel, zjus wie de euverege organisaties die ziech inzètte veur de Limburgse taol, in ’n transitiefase. Aonleiing daotouw zien de op stapel staonde planne vaan de Provincie Limburg um te koume tot e nui streektaolbeleid. In dat kader organiseerde Veldeke op 4 jannewarie jl. ’n brainstörmsessie mèt interne en externe deilnummers um te koume tot ‘nen ierste aonzat veur nui beleid. De planning is tot veur de zomervekantie vaan 2019 e visiedocumint naomens Veldeke aon de provincie zal weure aongebooje. De missie vaan Veldeke blijf oonveranderd: ’t bevordere vaan ’t spreke, lezen en sjrieve vaan de Limburgse taal in al häör variante. De meneer boe-op dat vörm geit kriege steit noe ter discussie en zal ouch aofhaankelek zien vaan de oetkomste vaan ’t euverlègk mèt de Provincie Limburg. Wezelek oonderdeil vaan ’t beleid vaan Veldeke zal blieve: d’n inbringk vaan de 10 lokaal Veldeke kring die eder hunnen eige variant vaan de Limburgse taol reprizzentere en propagere
Kontakgegeves
Bezeukadres: Huis voor de Kunsten Limburg, Steegstraat 5, 6041 EA, Roermond
Correspondentieadres: Postbus 203, 6040 AE, Roermond
Fiscaal nómmer: 812566725
E-mailadres: redactie@veldeke.net
Website: www.veldeke.net
Bestuur
‘t Provinciaol bestuur vaan Veldeke Limburg besteit momenteel oet de volgende persoene:
- Reg van Loo, veurzitter
- Pieter Ebus, penningmeister
- Thijs Peeters, sikkertaris
- Bèr Brounts, lid
- Peter Klein, lid
- Mark Pluymaekers, lid
Beloeningsbeleid
Veldeke Limburg is ‘n 100% vrijwèllegersorganisatie. Alle bestuursleie vervölle hun functie oonbezoldeg.
ANBI Formuleer
’t Standaardformuleer Publicatiepliech ANBI Algemein kint geer hei inzien.
Jaorverslaag
’t Mies recente Jaorverslaag euver 2022 kint geer hei inzien.
Begruting
De financieel begruting euver 2023 kint geer hei inzien.
De mies recente financieel begruting euver 2024 kint geer hei inzien.
Financieel verslaag
’t Financieel Jaorverslaag euver 2021 kunt u hei inzien.
’t Mies recente Financieel Jaorverslaag euver 2022 kint geer hei inzien.
AVG verklaoring
De AVG verklaoring vaan ‘t derde kwartaol 2022 kint geer hei inzien.
Mie informatie?
Veur mie informatie euver de meugelekhede vaan veurdeileg sjinke of naolaote aon eus vereineging, kint geer kontak opnumme mèt euze penningmeister Pieter Ebus, e-mailadres; p.ebus@planet.nl