Provinciale finale declamatie 2025
24 mei j.l. vónj de Limburgse finale van de Veldeke Declamatiewedstried plaats. ‘N gezellige én spannende middig mit mer leefs 23 deilnömmers, die allemaol al de lokale finales in Ech, Wieërt of Venlo hawwe gewónne.
(Door Sanne Tonnaer, Echs)
Verloup van de middig
Reg van Loo, väörzitter van Veldeke Limburg, verwelkomde same mit prizzentator Rob Mennen alle aanwezige in ’t Patronaat in Sint Joas. Daonao woor ’t uiteraard de bäört aan de kènjer. Rob ging es “iesbraeker” efkes mit ze allemaol in gesprek, waat soms hilarische antjwaorde (en zoa noe en den ’n prizzentator mit de móndj vol tenj) opleverde.
De viefkóppige jury haw de zwaor taak om de stuk väör stuk prachtige optraejes te beoordeile. Terwiel zie zich tröktrokke om tót ein oetslaag te kómme, stóng de zaal ’n optraeje van Goud Verteltheater (Peggy Alofs) te wachte. Zie kreeg op grappige en mitsleipende wies de zaal, van jóngk tót awd, in bewaeging.
Oetslaag
Daonao woor ’t de tied väör de priesoetreiking. De winnieërs van deze middig bleke sjoan verdeild äöver de kringe:
- Categorie groep 1 t/m 4:
- 1e plaats: Owen Coenen (Ech-Zöstere)
- 2e plaats: Djemke Schouwenberg (Venlo)
- 3e plaats: Linda Teewen (Wieërt)
- Categorie groep 5 t/m 6:
- 1e plaats: Ize Willems (Venlo)
- 2e plaats: Lauren Leurs (Ech-Zöstere)
- 3e plaats: Teun Wolters (Ech-Zöstere)
- Categorie groep 7 t/m 8:
- 1e plaats: Siem Stapel (Venlo)
- 2e plaats: Inez Ermans (Ech-Zöstere)
- 3e plaats: Esmee Hoeben (Wieërt)
- Aanmoedigingspries: Teun van Meijl (Wieërt)
Limburgse Dobbelstein-Spel
Alle deilnömmers óntvinge ’t nuuje Limburgse Dobbelstein-Spel (Yahtzee); dit kieër speciaal oetgeveurd in ’t Echter dialek en binnekort ouch verkriegbaar bie de verkouppunte van Veldeke Krink Ech.
Väöroetblik
W’r kieke dus trök op ’n sjoane middig, en haope det volgend jaor kènjer oet nog väöl mieë windjstreke mitdoon!
