Nuie clip vaan Sjeng, Sjer en de Sjele, same mèt John Tana

In ’t hart vaan Mestreech, ’n stad boe ieweaw mur verhaole fluustere, oontsteit ‘Revolution’. Sjeng, Sjer en de Sjele en John Tana trèkke neet mèt zweerde of sjèlder op in ’t gevech, meh mèt stekbroejer, zonneblomme en e fiestelek buffèt; ’n muzikaol oetnudeging tot samezien en vrundsjap, zelfs in turbulente tije.

Daankzij de bijdraog vaan John Tana krijg de song ‘nen oonmiskinbare Franse slaag. De videoclip, opgenome bij de Hèlpoort en ander iconische plaotse in de stad, toent ‘n boonte cortèsj Franse, Duitsers en Sjenge die same aonsjuive aon ’n taofel in Asterix & Obelix stijl. ’t Rizzeltaot: e fies vol humor, meziek en ouch get chauvinistische Mestreechse gruutsegheid.

De song Revolution is vaanaof 9 september te belustere / bekieke op alle streamingplatforms.