In Memoriam: Wiel van Aarssen

In Memoriam: Wiel van Aarssen

Aafgeloupe zondaag 12 april jl. is d’n hier Wiel van Aarssen, actief bestuurslid van Veldeke Venlo, in de laeftied van 84 jaor euverleje.
Op 27 april aanstaonde zoel hae 85 jaor zien gewaore.

Wiel waas eine bekinde Venlonaer. Hae waas aktief binne vuuel Venlose vereiniginge.
Hae waas ein van de ierste leje van Vastelaovesvereinging de Wien en ein van de oprichters van handbalvereining Loreal.
Beej dees vereiniging haet hae vuuel funksies vervöld: Veurzitter, sikkertaris, kantinebeheerder, etc.
Wiel waas ouk eine tied lid van ’t bestuur van ’t Nederlands Handbal Verbond, aafdeiling Limburg.

Maar de letste jaore waas hae ein van de kertrekkers van Dialekvereiniging Veldeke Venlo. Vuuel evenemente van dees vereiniging haet hae mei georganiseerd: de slumste Venlonaer, de fietstochte van dees vereiniging, de kers-in in de kepel van de paters Trappisten (Ulingsheide) en nog vuuel mier.

Veur al zien verdeenste binne ‘t vereinigingslaeve is hae in 2017 ónderscheide gewaore tot Lid in de Orde van Oranje-Nassau.

Wiel, rös zaach. Weej zegge óg dank veur al óg werk, tied en meujte.

Names Veldeke Limburg winse weej zien echgenoeëte Ria, zien döchters Yvonne en Moniek, eur partners en de kleinkinder vuuel sterkte met dit enorme verleer.