’n Nej woordebook vör ‘t Heljes

’n Nej woordebook vör ‘t Heljes

 

De wèrkgroep Heljes Plat wèrkt aan ‘n nej woordebook vör ‘t Heljese dialek.

D’r ligkt inmiddels ‘n lies van óngeveer 2.000 weurd en nag zón 6.000 weurd wachte op vertaling. Daonaeve wèrkt de groep aan ‘n vaste Heljese sjpelling en verzamelt ze typisch Heljese oetdrökkinge.

‘t Woordebook ès bedoeld vör twieë groepe: minse die weinig of gèn dialek sjpraeke en wille weite wie se get in ’t Heljes zees, en minse die wel Heljes sjpraeke mer wille weite wie se ‘t sjriefs.

‘t Heljes ès ‘n variant van ‘t Limburgs, det officieel erkènd ès as regionale taal.

 

Praktische infermatie
• Wat: prizzentatieaovond ‘Kal toch plat’
• Wannieër: vriedig 20 november 2026, zaal oop öm 19.00 oor, aanvang 19.30 oor
• Woe: MFC Kerkeböske, Aan de Koeberg 3, 5988 NE Helden
• Toegang: gratis, aanmelde ès neet nuddig
• Programma: prizzentatie van de èrste rizzeltate van ‘t woordebook door de wèrkgroep Heljes Plat, mèt optredes van Marijke Gijsen en Kate Moon Solo